15:171  171  EPISTOLAE  1976.1977  172  mino  G-uilielmus  Farellus  proximo  conventu  nostro  nobis  exposuit,  incertorum  quorundam  hominum  usque  impotentiam  invaluisse  ac  rabiem,  ut  contra  Senatum  vestrum,  missis  ad  eundem  literis,  *)  summa  iniuria  impietateque  saevierint  ea  criminando  et  exprobrando  quae  in  Servetum  sanctissimo  iudicio  fuerunt  acta:  conscripserint  perniciosissimum  deploratissimumque  plecti  haereticum  nequaquam  debuisse;  nullas  esse  non  ferendas  pestes,  quodcunque  tandem  adversus  Christum  virus  exhalare  atque  evomere  libitum  fuerit.  Neque  contentos  ita  lacerasse  magistratum  innocentissimum  in  ipsum  quoque  Calvinum,  egregium  Christi  servum,  iisdem  literis  tanta  atrocitate  insanisse,  ut  peiore  daemonio  calumniare*  nequiverint,  quum  alia  permulta,  quae  idem  Farellus  narrando  generaliter  complexus  est,  tum  quod,  quum  non  aliter  quam  pro  sua  singulari  perspeetaque  iamdiu  benevolentia  quam  amicissime  saepe  nos  viserit,  malitiose  tamen  et  supra  quam  dici  potest  invidiose,  tanquam  hisce  itineribus  ad  dominationem  aliquam  susceptis,  nosque  ab  illo  pendeamus2)  potius  quam  ex  solo  Dei  verbo  quod  affert,  quodque  nos  vobiscum  una  in  omnibus  arctissime  coniungit,  interpretati  sunt.  Videlicet  tanto  furore  percelluntur,  ut  vitio  vertant,  quod  doctissimi  viri  optatissima  utilissimaque  praesentia  nobis  aliquando  frui  liceat.  Ad  haec  itaque  monstra,  fratres,  tam  horrenda,  quum  moestis  animis  non  solum  ingemisceremus  sed  obstupesceremus  etiam,  eoque  magis  quod  addebat,  in  huiusmodi  literis  nullum  ostendi  quibus  autoribus  conflatae  essent  vestigium:  nempe  quo  sic  maleficorum  instar,  qui  se  nonnunquam  aliis  constituunt  invisibiles,  impune  in  nos  grassarentur.*  Idcirco  nobis  nonnihil  iis  de  *rebus  vobiscum  communicare  hac  epistola  visum  fuit.  Intelligitis  enim  ministerio  nostro  talibus  contumeliis,  non  modo  vestro,  gravissimam  inuri  maculam,  tametsi  in  vos  recta  toto  impetu  rapiuntur,  vestrique  odio,  praecipue  Calvini  fratris,  nos  tantum,  velut  in  transcursu  feriunt.  Videtis  quum  illos  insigniter  impios  Hieronymum,  proxime  affinem  eius  Servetum,  haereseos  ipsi  vobiscum  ex  verbi  divini  sententia  damnaverimus  ne  una  cum  negantibus  Deum  iisdem  illigaremur  sacrilegiis,  ubi  ingenue  fatemur,  libros  qui  ad  flammam  tanti  utriusque  incendii  restinguendam,  unus  nomine  omnium  vestrum,  alter  Calvini  in  vulgus  quam  opportunissime  editi  sunt,  nobis  adiu-  1976.  1)  Res  ipsa  m  superioribus  satis  superque  ventilata.  Farellus  his  Meris  non  contentus  {quorum  tamen  ipsum  autorem  fuisse  facile  legendo  sed  non  etiam  intelligendo  divinaris)  ipse  Genevam  adiit  et  in  Senatu  pro  domo  verba  fecit.  (N.  1972,  mt  1.)  2)  Quo  magis  vera  sunt  quaedam  eo  minu?  libenter  audiuntur.