9:170  fanis  ventribus  [pag.  86]  immergitur,  ubique  in  terris  illaesam  manere  fingit.  Nec  Westphalum  quidquam  iuvat  quod  Christus  ecclesiae  suae  pollicitus  est  de  aeterna  sua  praesentia  (Matth.  28,  20).  Christum  suis  semper  adesse  credimus,  adeoque  in  ipsis  habitare:  nec  modo  quatenus  deus  est,  sicuti  perverse  calumniatur  Westphalus:  sed  quia  membra  capiti  suo  unita  esse  oportet,  mediatorem  illum  qui  naturam  nostram  induit  dicimus  fidelibus  praesentem  esse.  Nam  et  ideo  sedet  ad  dexteram  patris,  ut  imperium  ubique  obtineat  et  exerceat.  Si  de  modo  praesentiae  quaeritur,  referendum  dicimus  ad  gratiam  et  virtutem.  Iisdem  verbis  quum  utatur  Westphalus,  statim  ad  carnem  relabitur,  quia  gratiae  nomen  pro  nihilo  ducit,  nisi  ad  coenae  actionem  coram  sistatur  Christi  corpus.  Haec  vero  mira  est  metamorphosis,  quod  de  immensa  spiritus  sancti  virtute  dictum  est,  in  carnis  substantiam  quae  finita  etot,  vertere.  Hunc  esse  [pag.  87]  quaestionis  statum  meminerint  lectores,  an  non  aliter  gratia  se  praesentem  exhibeat  Christus  quam  bi  in  terra  et  ubique  versetur  eius  corpus?  Nos,  quamvis  in  coelo  sit  Christus,  naturae  humanae  respectu,  locorum  distantia  negamus  impediri  quominus  se  nobis  communicet:  nec  modo  sustineat  nos  ac  gubernet  suo  spiritu,  sed  carnem  illam  in  qua  iustitiam  nobis  implevit,  vivificam  nobis  reddat.  Nam  etsi  loco  ipsa  non  movetur,  arcana  tamen  spiritus  operatione  ad  nos  usque  penetrat  eius  virtus,  ut  ex  eius  substantia  spiritualem  vitam  animae  nostrae  petant.  Westphalo  nihil  sufficit,  nisi  corpus  Christi  loco  excludens  ad  omnia  locorum  spatia  extendat.  Sed  operae  pretium  est  videre  quam  belle  sibi  constet,  quum  gratiae  praesentiam  velit  esse  corporalem,  de  ea  tamen  intelligit  quod  in  lege  scriptum  est:  Ubicunque  fecero  memoriam  [pag.  88]  nominis  mei,  illuc  veniam  ad  te  (Exod.  20,  24).  Quaero  igitur,  an  Dei  essentiam  eodem  modo  tunc  habitasse  putet  inter  Cherubim,  quo  nunc  Christi  corpus  latere  sub  pane  imaginatur.  Eodem  secundum  eum  pertinet  ista  promissio:  Ego  et  pater  ad  eum  veniemus,  et  mansionem  apud  eum  faciemus  (Ioann.  14,  23).  An  igitur  putat  deitatis  essentiam,  ita  ad  nos  debcendere,  sicuti  de  carne  Christi  affirmat,  eam  intrare  sub  panem  consecratum,  ut  illic  voretur?  Quomodo  tam  cito  excidit  quod  eadem  pagina  ex  Augustino  retulerat,  Deum  ubique  esse  per  essentiae  suae  praesentiam,  non  ubique  per  habitationis  gratiam?  ubi  sanctus  vir  diserte,  quantum  ad  praesentiae  rationem  spectat,  essentiam  divinitatis  gratiae  opponit.  Quando  si  in  patris  essentiam  minime  competit  adventus  qualem  carni  Christi  Westphalus  inculcat,  nodum  quo  se  obligavit  solvat  ipso.  Caeterum  toties  paulo  [pag.  89]  ante  testatus  se  cum  Augustino  fateri,  Christum  secundum  carnis  modum  in  coelo  esse:  demum  quasi  sui  oblitus  naturas  duas