7:170  apprins,  et  duquel  il  use  en  son  escriture:  ou  allez  vous  en  parler  aux  pierres  et  aux  arbres.  CHAPITRE  VIII.  De  la  grande  malice  et  impudence  qu'ont  les  Libertins,  en  se  glorifiant  d'estre  doubles  de  cueur  et  de  langue.  [page  50]  Mais  ilz  se  desbordent  encor  plus.  C'est  qu'ilz  ne  font  nulle  difficulte  de  dire  maintenant  d'un,  maintenant  d'autre,  et  se  transfigurer  au  plaisir  des  auditeurs.  Qui  plus  est,  ilz  prennent  une  grand  gloire  en  cela,  et  s'en  tiennent  bien  fiers.  1)  Mesme  c'est  un  des  principaux  articles  de  leur  theologie,  qu'il  faut  avoir  l'art  de  se  contrefaire  pour  tromper  le  monde.  Ie  ne  say  si  ie  dois  appeller  cela  impudence  ou  malice.  Car  puis  que  c'est  la  principale  vertu  que  nous  devons  avoir  en  recommandation,  que  Simplicite:  c'est  signe  d'une  nature  du  tout  perverse,  quand  un  homme  s'adonne  ainsi  a  se  plier  ca  et  la,  comme  un  serpent,  pour  glisser  des  mains  de  ceux  qui  le  pensent  tenir.  Et  d'autre  coste,  il  faut  qu'ilz  soyent  merveilleusement  effrontez,  de  n'avoir  nulle  honte,  qu'on  leur  puisse  reprocher  qu'il  n'y  ait  nulle  [page  51]  tenure2)  en  leurs  parolles.  De  ceste  mesme  source  vient  la  simulation  qu'ilz  se  permettent  a  faire  semblant  de  tout  ce  qu'on  voudra  pour  complaire  aux  hommes.  Comme  ilz  ne  font  point  conscience  d'idolatrer3)  sans  aucun  scrupule:  ilz  font  semblant  d'adherer  4  toutes  les  superstitions  des  Papistes,  pource  que  selon  leur  sentence,  toutes  choses  externes  sont  en  la  liberte  du  Chrestien.  Mais  de  ceste  matiere,  ie  la  reserve  a  traicter  en  un  autre  chapitre:  seulement  i'en  ay  voulu  icy  toucher  un  mot,  pour  advertir  les  lecteurs  que  tant  en  gestes  qu'en  parolles  ilz  prennent  plaisir  a  beffler4)  le  monde,  et  retourner  leur  robbe  a  tout  propos:  tellement  qu'on  ne  sache  par  quel  coste  les  prendre.  De  la  vient  que  si  Quintin  estoit  auiourdhuy  tenu  prisonnier,  fust  des  Chrestiens  ou  des  papistes,  et  qu'on  se  vousist  tenir  a  ses  confessions,  il  n'en  feroit  que  la  figue.  5)  Car  il  seroit  seur  d'en  eschapper,  pource  qu'il  s'accorderoit  a  tout  ce  que  voudroyent  tant  les  uns  que  les  autres.  Et  cela  ne  seroit  pas  renoncer  [page  52]  leur  doctrine.  Car  le  premier  article  de  leur  foy,  comme  i'ay  desia  dict,  est,  qu'il  faut  avoir  cest  artifice  de  se  desguiser,  et  avoir  double  parolle.  1)  Le  traducteur  ajoute:  quod  ea  simulatione  uti  norunt.  2)  fidem  nec  constantiam.  3)  coram  idolis  se  prosternere.  4)  in  ridendis  et  subsannandis  hominibus.  5)  non  multum  esset  anxius.