52:170  Quare  quisquis  opprimi  ab  hoste  timet,  expergefieri  debet,  ut  sit  assidue  in  excubiis.  Sicuti  ergo  hortatus  est  ad  vigilantiam,  eo  quod  evangelii  doctrina  sit  instar  diurnae  lucis:  ita  nunc  altero  argumento  nos  excitat,  quia  bellandum  sit  cum  hoste:  unde  sequitur,  nimis  periculosam  esse  segnitiem.  Videmus  enim  ut  milites,  etiamsi  alioqui  sint  intemperantes,  propinquo  tamen  hoste,  exitii  metu,  a  crapula  et  deliciis  omnibus  se  abstineant,  et  sedulo  excubent  ad  cavendum.  Quum  ergo  semper  nobis  instet  Satan,  et  mille  pericula  intentet  :  saltem  non  minus  sedulos  et  vigilantes  esse  oportet.  Caeterum  in  armorum  nominibus  frustra  a  quibusdam  subtilior  quaeritur  interpretatio  :  nam  hic  Paulus  aliter  loquitur  quam  ad  Ephesios  capite  6,  14:  illic  enim  iustitiam  thoracem  facit.  Hoc  ergo  ad  tenendam  eius  mentem  sufficiet,  quod  docere  vult  Christianorum  vitam  similem  esse  perpetuae  militiae:  quia  Satan  molestus  et  infensus  illis  esse  non  desinit.  Sedulo  itaque  paratos  et  erectos  ad  resistendum  esse  vult:  deinde  armis  opus  esse  admonet,  quia  tam  potentem  hostem  sustinere  nequeant,  nisi  bene  muniti.  IlavoTiXiav  vero  hic  non  enumerat:  sed  tantum  recenset  duas  armaturae  partes,  t  h  o  r  a  c  em  et  galeam.  Interea  quod  ad  spiritualem  munitionem  spectat,  nihil  omittit:  nam  qui  fide,  car  i  t  a  t  e  et  spe  instructus  est,  nulla  ex  parte  inermis  deprehendetur.  9.  Quia  non  constituit  Quia  de  spe  salutis  loquutus  erat,  prosequitur  illam  partem:  ac  dicit  nos  huc  destinatos  esse  a  Deo  ut  salutem  per  Christum  consequamur.  Posset  autem  simpliciter  locus  exponi  hoc  modo,  induendam  esse  salutis  galeam,  quia  Deus  nos  perire  nolit,  sed  potius  salvos  esse.  Et  hoc  quidem  vult  Paulus:  sed  ulterius  (meo  iudicio)  tendit.  Quia  enim  nobis  ut  plurimum  formidolosus  est  Christi  dies,  finem  eius  mentioni  facere  volens,  nos  in  salutem  constitutos  esse  dicit.  Vox  graeca  Tcepcrcofyatc,  tam  fruitionem  (ut  loquuntur)  quam  acquisitionem  significat.  Certe  non  intelligit  Paulus  nos  a  Deo  vocatos  esse  ut  comparemus  nobis  salutem:  verum  ut  eam  obtineamus,  sicuti  acquisita  est  per  Christum.  Animat  vero  Paulus  fideles  ad  strenue  pugnandum,  proposita  victoriae  fiducia:  nam  semivictus  est  qui  timide  ac  dubitanter  pugnat.  His  ergo  verbis  trepidationem,  quae  ex  diffidentia  nascitur,  eximere  voluit.  Non  aliunde  autem  melior  salutis  certitudo  quam  ex  decreto  Dei  colligi  potest.  Ira  hoc  loco,  ut  alibi,  pro  iudicio  aut  vindicta  Dei  adversus  reprobos  capitur.  10.  Qui  mortuus  est.  A  fine  mortis  Christi  confirmat  quod  dixit.  Nam  si  ideo  mortuus  est  ut  nos  participes  faceret  suae  vitae,  non  est  quod  de  salute  nostra  ambigamus.  Dubium  tamen  est  quid  nunc  per  somnium  et  vigilias  intelligat:  videri  enim