51:170  festationem  absque  Christo,  nihilo  magis  quam  inter  Iudaeos.  Neque  enim  hoc  vel  unius  est  saeculi,  vel  unius  gentis,  quum  dicit,  Ego  sum  via  (Iohan.  14,6):  sed  unum  se  esse  pronuntiat,  per  quem  ad  Deum  omnes  perveniant.  13.  Nunc  autem  in  Christo.  Vel  subaudiendum  est  participium:  ut  sit  sensus:  Postquam  in  Christo  estis  recepti:  vel  particula  quae  sequitur,  per  C  h  r  i  s  t  i  sanguinem,  tantum  erit  expositio  clarior.  Utrovis  modo  accipias,  sensus  est,  Ephesios  quum  procul  a  Deo  et  salute  abessent,  sic  conciliatos  esse  Deo  per  Christum,  ut  iam  propinqui  sint  in  eius  sanguine.  Nam  Christi  sanguis  dissidium  illud  sustulit  quod  inter  illos  et  Deum  erat,  fecitque  ex  hostibus  filios.  14.  Ipse  enim  est  pax  nostra,  qui  fecit  utraque  unum,  et  interstitium  maceriae  solvens,  inimicitias  in  carne  sua:  15.  legem  mandatorum  in  decretis  positam  abolens,  ut  duos  conderet  in  se  ipso,  in  unum  novum  hominem,  faciens  pacem  :  16.  ut  reconciliaret  ambos  in  uno  corpore  Deo  per  crucem,  inimicitias  in  ipsa  interimens.  Nunc  ad  Iudaeos  quoque  beneficium  reconciliationis  extendit:  ac  docet,  omnes  per  unum  Christum  Deo  coniungi.  In  quo  falsam  Iudaeorum  confidentiam  refutat,  qui  spreta  Christi  gratia  sacrum  Deo  populum  se  esse  iactabant  et  haereditatem  selectam.  Nam  si  Christus  est  pax  nostra,  sequitur,  a  Deo  dissidere  omnes  qui  sunt  extra  eum.  Pulcherrimus  sane  titulus  Christi,  quod  sit  pax  inter  Deum  et  homines  :  ne  quis  dubitet  Deum  se  habere  propitium  si  in  Christo  maneat.  Nominatim  dicit,  ex  u  t  r  i  s  q  u  e  unum  fecisse.  Necessaria  erat  haec  partitio.  Omnem  cum  gentibus  communicationem  sua  praerogativa  indignam  putabant.  Ut  tale  supercilium  illis  retundat,  dicit  tam  illos  quam  gentes  in  unum  corpus  coaluisse.  Nunc  omnia  simul  collige,  et  hunc  syllogismum  conficies,  si  Iudaei  cum  Deo  pacem  habere  volunt,  necesse  est  ut  Christum  habeant  conciliatorem.  Christus  autem  pax  eorum  aliter  non  erit  quam  si  ex  ipsis  et  gentibus  unum  corpus  efficiat.  Ergo  Iudaeis  nihil  est  cum  Deo,  nisi  gentes  in  societatem  admittant.  14.  Interstitium  maceriae.  Ut  hunc  locum  intelligamus,  duo  sunt  observanda:  divisos  fuisse  Iudaeos  a  gentibus  ad  certum  tempus  Dei  ordinatione:  et  caeremonias  huius  dissidii  fuisse  symbola,  ut  palam  testatum  foret.  Nam  Deus  praeteriti!  gentibus  populum  illum  peculiarem  sibi  delegerat.  Magnum  divortium,  quod  alii  sunt  domestici  ecclesiae,  alii  autem  extranei  ab  ecclesia.  Hoc  est  quod  dicit  Moses  in  cantico  (Deut.  32,  8):  Quum  secerneret  altissimus  gentes,  quum  distribueret  po-