29:170  intention,  comme  ils  disent.  Car  ce  n'est  qu'une  diablerie,  quand  les  hommes  presument  de  ce  qui  leur  semble  bon  ;  il  est  certain  que  c'est  la  porte  d'enfer  qui  leur  est  ouverte  pour  se  plonger  en  tous  abysmes.  Voila  que  c'est  de  ce  que  les  hommes  appellent  bonne  intention,  et  ce  qu'ils  imaginent  et  ont  res  ve  en  leur  cerveau.  Or  de  nostre  coste  il  faut  que  nous  ayons  un  appuy  ferme,  et  qui  ne  varie  point,  tellement  que  nous  puissions  dire  que  nous  n'avons  point  un  Dieu  qui  nous  soit  incogneu  ni  cache.  Moyse  donc  a  voulu  ici  tant  mieux  certifier  la  protuesse,  quand  il  parle  du  Dieu  qui  luy  estoit  apparu  au  buisson:  comme  s'il  disoit:  Ie  ne  parle  point  a  la  voilee,  mes*  propos  ne  sont  point  vollages  :  mais  c'est  Dieu  qui  m'a  ordonne,  quand  il  a  voulu  que  i'aye  delivre  son  peuple  de  la  terre  d'Egypte,  il  s'est  revele  a  moy  au  buisson,  i'ay  la  cogneu  sa  maieste.  Ainsi  donc  telle  certitude  qu'il  y  a  en  ma  vocation,  et  en  ce  que  i'ay  execute  iusques  ici  par  le  commandement  qui  m'e&toit  donne,  mo  doit  faire  maintenant  continuer,  pour  monstrer  que  ce  Dieu-la  accomplira  les  promesses  qui  sont  ici  contenues  :  et  sur  tout  que  sa  faveur  et  bonte  gratuite  sera  sur  la  lignee  de  Ioseph.  Or  de  ce  passage  nous  avons  a  recueillir,  qu'il  ne  nous  faut  point  vaguer  ne  ca  ne  la,  quand  nous  parlons  de  Dieu  :  mais  afin  que  nous  en  soyons  tout  asseurez,  et  que  nous  puissions  nous  tenir  en  bride,  que  nous  cognoissions:  Comment  est-ce  que  Dieu  s'est  revele  a  nous?  Or  desia  nous  avons  touche  que  nostre  Seigneur  Iesus  Christ  est  son  image  vive,  c'est  la  donc  ou  il  nous  le  faut  cercher.  Et  voila  qui  a  este  cause  que  le  povre  monde  a  este  seduit  par  les  tromperies  et  illusions  de  Satan,  c'est  qu'on  ne  s'est  point  tenu  simplement  a  nostre  Seigneur  Iesus  Christ.  Pourquoy  est-ce  qu'il  y  a  tant  de  confusions  auiourd'huy  en  la  Papaute,  sinon  d'autant  que  Iesus  Christ  n'est  point  cogneu,  que  mesmes  (comme  ils  le  disent  en  leur  proverbe)  on  ne  le  cognoist  point  au  milieu  de  ses  Apostres?  Car  ils  l'ont  despouille  de  sa  gloire,  de  sa  vertu,  et  des  graces  qui  luy  avoyent  este  commises  de  Dieu  son  Pere:  bref,  pource  que  nostre  Seigneur  Iesus  Christ  a  este  comme  enseveli,  voila  les  superstitions  qui  se  sont  augmentees  de  plus  en  plus,  il  n'y  a  eu  ne  fin  ne  mesure:  et  ne  se  faut  point  esbahir  s'il  y  a  la  une  si  horrible  Babylone.  Apprenons  donc  de  cognoistre  le  Dieu  vivant,  ainsi  qu'il  se  irntiifeste  a  nous,  et  de  tenir  tous  nos  sens  captifs:  et  puis  qu'en  nostre  Seigneur  Iesus  Christ  il  sVsr  n  v��le  en  toute  perfection,  que  nous  ne  cerchions  point  d'autre  cognoissance  que  celle-la,  que  nous  n'eii  declinions  ni  d'un  coste  ni  d'autre.  Or  venons  maintenant  a  ce  que  Moyse  adiouste  de  Zabulon  et  d'issachar.  Il  dit  de  Zabulon  :  Esiouy-toy  en  ton  issuey  d'Issachar:  Esiouy-toy  en  testen  tes,  ou  en  tes  cachetes,  en  tes  maisons.  Et