27:170  insensez.  Quand  donc  nous  voyons  que  le  povre  monde  a  este  ainsi  ensorcelle  de  Satan:  venons  au  remede.  Car  la  faute  est  venue  de  ce  qu'on  n'a  point  suyvi  la  reigle  qui  est  contenue  en  ce  passage  :  Vous  cercherez  la  vostre  Dieu.  Et  pourquoy?  Son  Nom  y  est.  Quand  il  est  dit:  Vous  le  chercherez  la  :  ce  n'est  pas  qu'il  l'y  faille  enclorre  :  mais  vous  celebrerez  son  Nom.  Ii  est  vray,  quand  il  a  eleu  ce  lieu,  que  le  peuple  ne  laissoit  pas  d'estre  instruit,  qu'il  falloit  servir  a  Dieu  spirituellement:  car  Dieu  n'a  point  quitte  sa  nature,  quand  il  a  establi  un  temple  ou  il  fust  adore:  mais  c'a  este  a  ce  que  le  peuple  s'exercast  tousiours  au  service  spirituel,  combien  que  les  ceremonies  fussent  externes.  Voila  ce  que  nous  avons  notamment  a  retenir  de  ce  passage.  Or  nous  avons  aussi  bien  a  observer,  que  Dieu  a  tenu  long  temps  son  peuple  en  suspend,  devant  que  monstrer  le  lieu  ou  il  vouloit  que  son  domicile  fust  perpetuel.  Il  est  vray  que  la  ou  estoit  l'arche,  il  falloit  aussi  faire  les  sacrifices:  mais  tant  y  a  que  le  lieu  n'estoit  point  assigne,  c'est  assavoir  la  montagne  de  Sion,  et  l'arche  a  vague  de  coste  et  d'autre,  combien  qu'elle  ait  tousiours  este  quasi  en  Silo,  c'est  a  dire,  le  plus  long  temps:  mais  si  a-il  fallu  que  le  peuple  fust  tousiours  en  attente.  Or  c'estoit  une  grande  tentation.  Car  voila  ce  qu'on  pouvoit  dire:  Et  bien:  Dieu  nous  a  promis  d'elire  un  lieu:  mais  il  ne  le  fait  pas.  Et  pourquoy  donc  ne  choisirons  nous  un  lieu?  Et  pourquoy  ne  l'aura-il  agreable?  Or  cependant  il  n'est  pas  licite,  quoy  qu'il  en  soit:  il  n'est  point  question  ici  de  dix  ans,  de  vingt,  de  trente,  de  cent,  ne  de  trois  cens  ans:  mais  voila  le  peuple  qui  demeure  plus  long  temps,  assavoir  iusques  au  royaume  de  David.  Il  y  a  tant  de  changemens,  tant  de  Iuges  les  uns  sur  les  autres,  tant  de  gouverneurs:  et  cependant  Dieu  ne  sonne  mot,  il  semble  qu'il  ait  oublie  ceste  promesse  qu'il  avoit  donnee  par  Moyse.  Or  si  faut-il  que  le  peuple  attende.  Et  ainsi  que  nous  ne  soyons  point  fretillans:  quand  nostre  Seigneur  nous  veut  retenir,  advisons  qu'il  esprouve  nostre  obeissance.  Si  du  premier  coup  il  ne  nous  declaire  pas  les  choses  comme  nous  souhaitterions,  en  cela  il  nous  veut  tant  mieux  sonder  si  nous  luy  serons  suiets,  et  si  nous  aurons  ceste  humilite,  et  reverence  de  cheminer  en  la  simplicite  de  sa  parolle.  Voila  ce  que  nous  avons  a  noter,  quant  au  premier.  Et  au  reste  cognoissons,  quand  Dieu  a  choisi  un  lieu,  que  ce  n'est  point  a  nous  de  le  remuer  ne  ca  ne  la:  mais  si  ne  faut-il  point  non  plus  que  nous  soyons  abrutis  d'une  folle  superstition,  pour  penser  que  Dieu  soit  attache  a  un  lieu  qu'il  aura  choisi.  Il  est  vray  que  c'a  este  une  dignite  excellente  pour  la  ville  de  Ierusalem,  d'estre  nommee  la  cite  royalle  de  Dieu,  que  son  temple  fust  la.