20:170  S.  Mihi  vero  tua  excusatio  non  satisfacit,  vel  quia  iusta  non  est,  vel  quia  in  propria  causa  mihi  minimum  blandior,  vel  quia  necessitas  in  quam  tua  culpa  coniecti  sumus  nullam  excusationem  admittit.  An  uberior  fructus  istic  publice  sperandus  sit  ex  tuo  labore  nondum  disputo:  sed  quia  te  nostrum  esse  promissis  tuis  freti  putavimus,  ubi  nos  ea  spe  deiicis,  nisi  saltem  iacturam  compensas,  merito  de  te  queri  licet.  Longius  tamen  progrediar:  utiliorem  ecclesiae  Dei  operam  tuam  hic  fore.  Bidebis  forte:  sed  quod  incredibile  tibi  videbitur  verissimum  esse  experientia  docebit.  Certe  schola  nostra  hodie  seminarium  est  eorum  pastorum,  qui  se  in  solidum  ac  ingenue  Deo  consecrant.  Quanti  aestimas  discipulos  formare  qui  mox  per  totam  Galliam  spargantur?  Multi  forte  libabunt  tantum  rudimenta,  sed  erunt  qui  maiores  facient  progressus:  et  qui  non  plane  expolientur  erunt  tamen  exiguo  gustu  aptiores  ad  obeundum  docendi  munus.  Iam  si  qui  serio  discendi  desiderio  flagrant  huc  te  sequentur.  Nam,  ut  scies,  Antonio  Cevalerio,  qui  nunc  hebraicae  linguae  professor  est,  designatus  es  successor.2)  Missionem  vero  petiit  non  taedio  vel  contemptu,  sed  quia  mediocre  patrimonium  aliter  recuperare  non  potest  quam  si  in  patriam  se  recipiat.  Exiguum  quidem  stipendium  esse  fateor.  Librae  enim  ducentae  penduntur.  Aedes  dantur  satis  amoenae  et  spatiosae.  Verum  cogita  impensas  hic  minores  esse  quam  apud  vos.  Alter  ille  labor  est  succisivus.  Suspicor,  dum  audis  duplex  tibi  onus  imponi,  te  absterreri  difficultate.  Atqui  in  ea  re  falleris.  Primum  nostra  docendi  ratio  tibi  merus  erit  ludus.  Deinde  in  labore  extraordinario  tibi  dabitur  adiutor  qui  te  molestia  sublevet.  Desine  ergo  putare,  qui  apud  nos  sustinent  docendi  partes  vel  operam  suam  ecclesiae  aliis  modis  impendunt,  quasi  pistrino  addici.  Non  ita  inhumani  sumus  vel  rigidi  exactores,  quin  hilariter  Christo  serviant  homines  literati.  Sanraverius,  quem  miseras,  morbum  hic  non  contraxit  sed  mortem  secum  attulerat.  Itaque  quum  adhuc  agitaret  quaedam  duntaxat  praeludia  decubuit.  Porro  quam  necessarius  sit  labor  ille  cui  destinatus  erat,  non  commemoro.  Certe  ubi  te  melius  impendas  non  video.  Interea  privatim  non  erit  tibi  inutilis.  Si  te  persuadere  sinas,  senties  non  data  tibi  fuisse  verba.  Verum  celeritate  opus  est.  Quare  si  fidem  praestare  tibi  in  animo  est,  fac  nos  ante  finem  Novembris  certiores,  te  vero  circiter  initium  Martis  huc  sistas  oportet.  Quod  si  hac  quoque  spe  excidimus  (quod  omen  Deus  avertat)  neque  coram  Deo  absolvi,  nec  apud  homines  tuam  existimationem  tueri  potes,  nisi  saltem  vicarium  nobis  repraesentes,  non  tibi  parem  (ubi  enim  re-  2)  Reg.  du  Cons.  Aug.  19.  23.  26.  Sept  10.  13.  Chevallier  fut  decharge  a  sa  demande  en  1567.