15:170 spero, non tam mihi necesse erit sequi aliorum voluntates ad retinenda mea, quae nunc cogor caedere* ad obtinenda dubia. Interim de tua erga me humanitate, cuius ego dum vivo minime obliviscar, tantas tibi gratias ago quantas possum, et reliquum studium meum erga te tempori et occasioni reservo. Reliqui Genevae puerum meum Th. Barnardistonum2) et Arthurum Brokum, tum religionis causa, quae optime in hac aetate seritur, tum gallicae et latinae linguae cognoscendae gratia: eos precor abs te ut hortatu tuo, cuius autoritatem reverentur, impellas ad diligentiam et studium. Ego hoc providebo ut pecunia illis caeteraque necessaria tempore mittantur, in quo postquam consedero pluribus ad te scribam. Dominus Iesus te, vir humanissime et doctissime, nobis conservet et ecclesiae Christi. Saluta, quaeso, D. Marchionem, D. Budaeum, D. Normandiae, Parisium, Villiers, Paris GranvaU fratrem tuum humanissimum et uxorem eius. Vide quantum tibi imponam qui ne modum quidem salutationibus facio, neque Stephani praeterea oblivisci possum. Argentinae, xviij. Iunii 1554. Tui in Christo amantissimum Ioan. Checus. 1976. MINISTRI NEOCOMENSES GENEVENSIBUS. De calumniis certiores facti quas in libello anonymo a Vandello Senatui Genevensi tradito quidam contra Calvinum adeoque ipsum magistratum in Bolsecum et Servetum animadverterem protulerunt, se paratos dicunt fratribus adesse si quid illi in hac re agendum decreverint. (Ex autographo Cod. Genev. 196, fol. 23.) Omnibus fidelissimis Christi ministris tam in urbe quam in agro Genevensi fratribus quam ornatissimis dilectissimisque. Genevae. Perpetuam gratiam et salutem a Deo patre per Dominum nostrum Iesum Christum. Fratres carissimi, quibus etiam debemus honorem plurimum: venerandus nobis ac parens in Do- 2) hic filius fuit viri nobilis Sir Thomas Barnardiston, cuius iuvenis rex Eduardus Checum tutorem fecerat {Strypei I I p. 90.)