9:17  17  DEFENSIO  DOCTRINAE  DE  SACRAMENTIS.  quid  protulisse  in  medium,  quod  hanc  partem  magis  diserte  exprimeret.  Si  illis  cordi  est  sacramentorum  dignitas,  quid  obsecro  ad  eam  ornandam  aeque  magnificum,  quam  dum  adminicula  et  media  vocantur,  quibus  vel  inseramur  in  corpus  Christi,  vel  insiti  magis  ac  magis  coalescamus,  donec  solide  nos  secum  uniat  in  coelesti  vita?  Si  salutem  nostram  sacramentis  adiutam  cupiunt:  quid  aptius  cogitari  potest,  quam  ut  ad  ipsum  vitae  fontem  deducti,  vitam  hauriamus  ex  Dei  filio?  Ergo  sive  utilitas  nostra  spectatur,  sive  dignitas  et  reverentia,  quam  sacramentis  deferri  par  est,  finem  et  causam  cur  instituta  sunt,  luculente  exposuimus.  Certe  quod  Paulus  ventosis  doctoribus  obiicit  (Col.  2,  18),  qui  animas  infructuosis  speculationibus  inflant,  non  aedificant,  ipsos  non  tenere  caput,  longe  a  nobis  alienum  est:  qui  et  ad  Christum  referimus  omnia,  et  in  ipso  colligimus,  et  sub  ipso  ordinamus,  et  ab*  ipso  totam  vim  sacramentorum  asserimus  defluere.  Nunc  meliorem  docendi  regulam  praescribant  morosi  isti  censores,  quam  quae  a  Paulo  tradita  est,  si  illis  displicet  ad  symmetriam  [pag.  26]  illam  inter  caput  et  membra  ecclesiae,  quam  tantopere  laudat  Paulus  ipse,  et  a  qua  solidam  doctrinae  perfectionem  aestimat,  sacramenta  aptari.  Bene  igitur  habet,  quod  de  sacramentis  verba  facturi  optimo  et  maxime  apposito  exordio  usi  sumus,  et  finem  eorum  descripsimus,  quem  aequi  omnes  et  moderati  lectores  sine  controversia  probabunt.  Iam  in  usu  legitimo  duo  cavenda  sunt  vitia.  Nam  si  plus  aequo  extollitur  eorum  dignitas,  facile  obrepit  superstitio:  sin  vero  de  vi  eorum  fructuque  frigide  vel  minus  splendide  disseritur,  mox  profanus  contemptus  erumpit.  Si  media  a  nobis  servata  est  ratio,  quis  non  obstinatos  veritatis  hostes  esse  dicat,  qui  maligne  sanctum  consensum  arrodere  malunt,  quam  vel  comiter  amplecti,  vel  saltem  silentio  probare?  Neque  enim  ut  in  verba  nostra  iurent,  postulamus:  quiescant  modo,  et  recte  loquentibus1)  non  obstrepant.  Obtendunt  quidem,  quia  sacramentis  vim  suam  non  tribuimus,  se  nobiscum  ideo  contendere.  Sed  ubi  ad  rem  ventum  est,  alii  nihil  praeter  convicia  proferunt  et  caecos  tumultus,  alii  quasi  fastidiose  uno  verbo  damnant  quod  nunquam  legerunt.  Atqui  inconsiderate  eos  rixari,  ex  re  ipsa  perspicuum  est.  Quanta  vehementia  a)  causam  hanc  egerit  Lutherus,  cuius  imitatores  videri  cupiunt  isti,  plus  satis  omnibus  notum  est.  Scio  quam  multa  hyperbolice  ei  in  contentione2)  excidant:  sed  1)  qui  savent  mieux  parler  qu'eux  et  plus  droitement.  a)  Calvini  autographon  hic  tantum  haec  habebat:  Quanta  vehementia  plus  satis  omnes  norunt.  Qua  de  re  professus  est  ille  se  habere  certamen?  Comma  interpositum:  Scio  reddere  abest  a  MS.  2)  Add.  dont  il  a  este  trop  esmeu.  Calvini  opera.  Vol  I  X