8:17  17  DE  SCANDALIS.  18  quae  non  obscurum  divinitatis  eius  specimen  praeberet.  Nisi  tibi  liberet  fingere  portenta,  1)  nullum  Me  certe  invenires.  Fides  nostra  habet,  quod  susceperit  Deus  corpus  morti  obnoxium.  Hic  mysterium  audis  quod  adores,  non  fabulam,  quam  derideas,  non  monstrum  quod  horreas.  Tuae  potius  ingratitudini  imputa,  quod  tam  inaestimabilis  gratiae  admiratio  adversas  omnes  cogitationes  non  absorbeat.  Scio  frustra  multis  haec  dici.  Neque  etiam  me  latet,  quibus  nos  cachinnis  excipiant,  quod  in  Christi  morte  vitam,  gratiam  in  maledictione,  in  damnatione  iustitiam  quaeramus.  Scilicet,  inquiunt,  ita  ex  ardenti  fornace  gelida  aqua  fluit:  ex  tenebris  lux  oritur.  Concludunt  ergo,  nihil  esse  nobis  stultius,  qui  a  mortuo  vitam  nobis  datum  iri  speremus:  qui  a  damnato  petamus  absolutionem,  ex  maledictione  hauriamus  I^i  gratiam:  et  ad  patibulum  confugiamus,  tanquam  unicam  aeternae  salutis  anchoram.  Et  quidem  nostram  simplicitatem  ridendo  valde  sibi  acuti  videntur.  Ego  autem  illis  deesse  dico,  quod  est  in  vera  sapientia  praecipuum:  [pag.  16]  nempe  sensum  conscientiae.  Qualis  enim  prudentia,  qualis  ratio,  quale  iudicium,  ubi  conscientia  obstupuit?  Atqui,  unde  hoc  totum,  quod  a  christianae  religionis  principiis  sic  abhorrent,  nisi  quod  a  Satana  prorsus  sunt  inebriati,  ut  nullo  iudicii  Dei  timore,  nulla  peccati  cogitatione  tangantur?  Dixi  iam  prius,  non  alia  via  posse  ad  Dei  sapientiam  perveniri,  nisi  stulti  fiamus  mundo.  Sed  huius  humilitatis,  sicuti  religionis  totius,  fundamentum  est  conscientia  et  timor  Domini  :  quo  sublato  frustra  aedificium  moliaris.  Itaque  quisquis  omnia,  de  quibus  memini,  scandala  nullo  negotio  superare  volet,  is  tantum  in  se  ipsum  descendat  :  simul  enim  atque  suam  miseriam  agnoverit,  via  tam  illi  ad  Christum,  quam  Christo  ad  illum  erit  strata  et  complanata.  Clamat  vox  prophetica:  Parate  vias  Domini  (Ies.  40,  3).  Et  quae  parandi  ratio,  nisi  ut  agnita  qua  premuntur  necessitate  homines  Christum  desiderare  incipiant,  quem  prius  fastidiebant  sibi  placentes?  Eodem  etiam  modo  viam  ad  Christum  nobis  paramus:  imo  pium  illud  desiderium  nobis  equorum  instar  et  navium  erit,  quibus  omnia  obstacula  praetervehamur.  Sicuti  enim  ad  capessendas  altiores  disciplinas  exculto  riteque  praeparato  ingenio,  ita  ad  coelestem  philosophiamz)  subacto  animo  opus  est.  Nam  quis  gustus,  ubi  fastidium?3)  Quis  accessus,  ubi  ferrea  undique  duritia  clausum  pectus  et  obseratum?  Frustra  igitur  de  Christo  verba  facias,  nisi  apud  eos  qui  vere  humiliati  sentiunt  quantopere  indigeant  redemptore,  cuius  beneficio  1)  si  les  homines  ne  se  forgeoyent  des  imaginations  sauvages  a  leur  plaisir.  2)  l'escole  de  Dieu.  3)  quel  goust  aura  la  viande  si  l'estomach  est  desbiffe?  Calvini  opera.  Vol.  VIII.