54:17  17  SUR  LA  SECONDE  A  TIMOTHEE.  18  tenant  batailler,  voire  iusques  a  la  mort,  et  que  mesmes  nostre  vie  soit  cachee,  que  toutesfois  nous  ne  doutions  point  que  Dieu  ne  nous  soit  Pere,  puis  qu'il  nous  porte  ceste  affection  paternelle  de  laquelle  parle  ici  sainct  Paul.  Or  nous-nous  prosternerons  devant  la  face  de  nostre  bon  Dieu  etc.  DEUXIEME  SERMON.  Chap.  I,  v.  3.5.  La  somme  de  ce  que  nous  avons  maintenant  leu  est,  que  sainct  Paul  declare  l'affection  qu'il  porte  a  Timothee:  et  adiouste  la  raison  pourquoy,  c'est  ascavoir  d'autant  qu'il  le  voyoit  homme  craignant  Dieu,  et  qui  avoit  tousiours  eu  quelque  bonne  se*  menee  des  son  enfance.  Or  cependant  notons  qu'il  declare  ces  choses,  non  point  tant  pour  le  regard  de  Timothee  que  pour  ceux  ausquels  il  vouloit  que  l'Epistre  fust  commune,  afin  que  par  la  chacun  en  fust  edifie.  Or  de  nostre  coste  le  principal  est,  de  recueillir  de  ceste  lecture  la  doctrine  qui  nous  appartient.  En  premier  lieu,  la  solicitude  de  sainct  Paul  a  Timothee  nous  doit  servir  d'instruction.  Car  d'autant  que  Dieu  nous  a  conioints,  c'est  bien  raison  qu'un  chacun  de  nous  pense  de  ses  prochains  qui  luy  attouchent:  ie  ne  di  pas  de  ceux  qui  nous  sont  prochains  selon  la  chair,  mais  puis  que  Dieu  nous  est  Pere  a  tous,  avisons  de  nourrir  ceste  fraternite  qu'il  a  dediee  *au  sang  de  nostre  Seigneur  Iesus  Christ.  Et  ainsi,  procurons  entant  qu'en  nous  sera,  le  salut  de  tous  ceux  qui  sont  domestiques  de  la  foy.  Et  au  reste,  que  les  pasteurs  qui  ont  charge  publique  en  l'Eglise,  ayent  ceci  pour  recommande.  Car  il  faut  bien  que  leur  zele  surmonte  celuy  qui  sera  en  un  homme  prive,  lequel  n'a  autre  regard  sinon  qu'il  est  membre  de  l'Eglise.  Voila  donc  pourquoy  sainct  Paul  a  testifie  du  soin  qu'il  avoit  de  Timothee,  et  de  son  salut.  Nous  voyons  d'avantage,  quand  Dieu  aura  avance  un  homme,  et  qu'il  l'aura  doue  des  graces  de  son  sainct  Esprit,  que  ce  n'est  pas  a  dire  pourtant  qu'il  ne  nous  faille  tousiours  prier  pour  luy.  Car  il  n'y  aura  iamais  telle  perfection  en  ce  monde,  que  nous  n'ayons  besoin  d'estre  avancez  de  plus  en  plus,  et  que  Dieu  nous  tende  tousiours  la  main,  le  prians  qu'il  nous  augmente  ses  dons,  qu'il  retranche  les  corruptions  qui  sont  en  nous.  Quand  donc  il  y  aura  un  homme  excellent,  et  comme  un  demi  ange,  il  est  vray  que  nous  avons  occasion  de  rendre  graces  a  Dieu,  de  ce  qu'il  aura  ainsi  espandu  sur  luy  les  dons  de  son  sainct  Esprit,  mais  cependant  encores  faut-il  que  Calvini  opera.  Vol  LIV.