53:17  17  SUR  LA  PREMIERE  A  TIMOTHEE.  18  sa  presence.  C'est  donc  la  raison  dont  il  use  maintenant  pour  le  picquer  d'avantage  a  faire  son  devoir:  Tu  scais  (dit-il)  que  ie  t'ay  laisse  a  Ephese:  comme  s'il  disoit,  Ta  compagnie  m'estoit  bien  profitable,  et  quand  il  a  falu  que  i'aye  este  separe  de  toy,  ce  n'a  pas  este  qu'a  grand  regret:  d'autant  plus  donc  dois-tu  maintenant  t'efforcer,  voyant  que  tu  me  defaux.  Si  ce  n'estoit  que  l'oeuvre,  auquel  tu  es,  desire  un  homme  qui  ne  fust  point  vulgaire,  et  qu'il  en  fust  mestier,  i'eusse  mieux  aime  t'avoir  avec  moy,  et  tu  pourrois  servir  a  Dieu.  Pourtant  advise  que  le  temps  ne  soit  point  la  perdu.  Or  regardons  maintenant  ce  que  sainct  Paul  luy  ordonne,  le  veux  (dit-ii)  que  tu  denonces  a  aucuns  qu'ils  n'enseignent  pas  autrement,  et  qu'ils  ne  s'amusent  point  aux  fables  et  genealogies  infinies.  S.  Paul  ne  commande  point  yci  a  Timothee  qu'il  presche,  qu'il  face  son  office  accoustume:  car  cela  seroit  superflu:  mais  en  parlant  a  luy  (comme  nous  avons  touche  ce  matin),  il  luy  donne  authorite  et  l'arme  a  l'encontre  de  ceux  qui  autrement  ne  se  fussent  pas  aiseement  rangez:  voire  pource  que  c'estoyent  gens  ambitieux,  et  qui  se  vouloyent  faire  valoir,  et  mesmes  qui  avoyent  tasche  de  surmonter  Timothee.  Sainct  Paul  donc  n'instruit  pas  yci  celuy  auquel  il  parle,  de  faire  son  office  simplement,  mais  plustost  il  luy  declare  que  si  on  mesprise  ses  advertissemens,  que  cela  s'adressera  a  Dieu.  Et  c'est  afin  que  les  fideles  ne  se  laissent  point  mener  par  ceux  qui  seulement  pour  s'avancer  eussent  trouble  tout  Tordre  de  l'Eglise.  Voila  pour  un  item.  Cependant  nous  voyons  comme  le  diable  a  tousiours  machine  de  corrompre  ou  obscurcir  la  pure  doctrine,  que  ce  n'est  point  un  mal  qui  commence  d'auiourd'huy.  Vray  est  que  Dieu  eust  bien  peu  empescher  cela,  mais  il  a  voulu  que  les  fideles  fussent  exercez  en  ce  combat.  Comme  auiourd'huy  quand  nous  voyons  qu'il  y  a  des  gens  qui  ne  demandent  que  de  pervertir  la  bonne  doctrine,  ou  de  semer  quelques  zizanies,  scachons  que  Dieu  nous  esprouve,  et  qu'il  veut  scavoir  quelle  fermete  et  constance  il  y  a  en  nous,  et  si  nous  avons  prins  bonne  racine  en  la  foy.  Car  combien  qu'il  y  ait  gens  volages  et  des  esprits  escervelez  qui  mettent  en  avant  beaucoup  de  folies  et  de  speculations  frivoles,  ceux  qui  auront  este  bien  confermez  en  l'Evangile,  persisteront  tousiours,  et  ne  seront  point  desbauchez,  pourtant  que  S.  Paul  dit  qu'il  faut  qu'il  y  ait  des  heresies  et  des  sectes,  afin  que  ceux  qui  ont  vrayement  creu  a  Dieu,  soyent  esprouvez,  et  qu'ils  passent  comme  par  l'estamine,  que  cela  soit  un  droit  examen  pour  discerner  les  vrais  enfans  de  Dieu  d'avec  les  hypocrites.  Voila  ce  que  nous  avons  a  noter  de  ce  passage,  c'est  que  des  le  commencement  que  l'Evangile  a  este  publie,  le  diable  a  suscite  des  brouillons  qui  ont  voulu  mettre  en  avant  Calvini  opera.  Vol.  LIII.