52:17  17  CAPUT  L  18  Nam  quum  certam  sit,  Deum  spem  nostram  minime  velle  frustrari:  spes  ipsa  dubia  esse  non  debet.  Notet  ergo  diligenter  pius  lector  adverbium  hoc,  secundum:  ut  certo  secum  ita  constituat,  fieri  non  posse  quin  exspectationi  nostrae  respondeat  Dominus,  quae  quidem  in  verbo  suo  fundata  sit.  Promisit  autem  se  nunquam  defuturum  nobis  etiam  inter  omnia  tormenta,  si  quando  vocemur  ad  nominis  sui  confessionem.  Sperent  itaque  Pauli  exemplo  omnes  pii,  neque  pudefient.  Cum  omni  fiducia.  Videmus  ut  sperando  carnis  votis  nequaquam  indulgeat:  sed  spem  suam  subiiciat  Dei  promissioni.  Magnificabitur,  inquit,  Christus  in  corpore  meo,  sive  per  vitam,  s  i  v  e  per  mortem.  Quamquam  nominatim  corpus  exprimens,  significat  inter  certamina  vitae  praesentis  se  de  successu  minime  esse  dubium.  Nam  de  hac  re  facti  sumus  a  Deo  certiores.  Ergo  si  expositi  ad  Dei  arbitrium,  et  idem  habentes  in  vita  propositum  quod  Paulus,  felicem  exitum  quocunque  modo  speramus:  non  amplius  timendum  erit  ne  quid  adversi  eveniat.  Nam  si  illi  vivimus  et  morimur:  illius  sumus  in  vita  et  in  morte,  Rom.  14,  8.  Modum  exprimit  Christi  magnificando  nempe  in  perfecta  fiducia.  Unde  sequitur,  deiici  ipsum  nostra  culpa  et  extenuari  quantum  in  nobis  est,  quum  timore  labascimus.  An  igitur  eos  non  pudet,  quibus  leve  delictum  videtur  in  confessione  veritatis  trepidatio?  Sed  qui  puderet,  quum  adeo  sint  prostituta  fronte,  ut  abnegationem  quoque  excusare  audeant?  Addit,  quemadmodum  semper:  ut  a  praeteritis  gratiae  Dei  experimentis  fidem  suam  stabiliant,  ita  Rom.  5,  4,  probatio  spem  parit.  21.  Mihi  enim  vivendo.  Hactenus  hunc  locum,  ineo  iudicio,  male  verterunt  et  exposuerunt  interpretes.  Sic  enim  distinguunt:  quod  Christus  fuerit  Paulo  vita,  et  mors  lucrum.  Ego  autem  Christum  in  utroque  membro  orationis  facio  subiectum:  ut  tam  in  vita  quam  in  morte  lucrum  esse  praedicetur.  Graecis  enim  vulgare  est,  subaudire  particulam  Tcpoc.  Praeterquam  autem  quod  hic  sensus  minus  est  coactus,  etiam  melius  cohaeret  cum  proxima  sententia  et  pleniorem  continet  doctrinam.  Indifferens  sibi  esse  et  in  aequo  affirmat,  vivatne  an  moriatur:  quoniam  Christum  habens,  utrumque  lucro  apponat.  Et  certe  unus  est  Christus,  qui  tam  in  morte  quam  in  vita  nos  facit  beatos.  Alioqui  si  mors  misera,  vita  nihilo  felicior.  Adeo  ut  difficile  ait  definire,  extra  Christum  sitne  mori  utilius  quam  vivere.  Rursum  adsit  Christus,  et  vitam  nostram  perinde  ac  mortem  benedicet:  ut  sit  utraque  nobis  fausta  et  expetenda.  22.  Quod  si  vivere  in  carne  operaepretium  mihi  est:  etiam  quid  eligam  ignoro.  23.  Coarctor  enim  ex  duobus^  cupiens  dissolvi  et  esse  cum  Christo:  multo  Calvini  opera.  Vol  LIL