51:17  17  SUR  L'EPITRE  AUX  GALATES.  13  qu'ils  ne  soyent  plus  tormentez  et  gehennez  (l'inquietude:  comme  nous  voyons  comme  les  poures  ignorans  qui  sont  detenus  en  superstitions  sont  tousiours  en  doute  et  en  scrupule:  ils  feront  question  de  ceci  et  de  cela  et  ne  seront  iamais  resolus  d'un  seul  poinct.  Comme  nous  voyons  que  les  Papistes  qui  ont  une  infinite  de  questions:  et  il  ne  s'en  faut  point  esbahir:  car  ils  ne  scavent  a  quel  maistre  ils  ont  a.  rendre  conte.  Chacun  dira  selon  que  son  cerveau  le  porte,  il  me  semble  que  telle  chose  seroit  bonne,  voila  que  ma  devotion  me  dit:  il  sera  bon  de  faire  encore  ceci  et  cela.  Or  quand  ils  sont  entrez  en  un  tel  labyrinthe,  en  la  fin  ils  douteront  de  se  peigner,  ils  feront  scrupule  de  manger  d'un  tel  doigt,  et  ceci  et  cela:  brief  il  n'y  a  ne  fin  ne  mesure.  Quand  sainct  Paul  veut  bien  monstrer  que  c'est  de  s'envelopper  parmi  les  traditions  humaines,  il  dit  que  quand  on  a  defendu  de  manger  de  la  chair,  qu'on  defend  puis  apres  d'en  gouster:  et  puis  quand  on  a  defendu  d'en  gouster,  on  defend  puis  apres  d'y  toucher,  voila  donc  comme  nous  devons  maintenir  la  liberte  qui  nous  a  este  acquise  par  la  mort  et  passion  de  nostre  Seigneur  Iesus  Christ:  c'est  en  premier  lieu  que  nous  scaoaions  comment  Dieu  veut  estre  servi  et  honore  k  fin  de  n'estre  point  agitez  de  tant  de  scrupules,  ne  scachans  ce  qui  est  bon  ou  mauvais:  mais  qu'en  ayant  ceste  conclusion  toute  certaine  que  nous  suyvions  la  parole  de  Dieu,  nous  soyons  aussi  asseurez  que  nous  ne  pouvons  faillir.  Et  au  reste  que  nous  servions  aussi  les  uns  aux  autres,  que  chacun  ne  soit  point  addonne  a  sa  personne  pour  matter  ces