49:17  17  CAPUT  L  18  quo  modo,  etc.  Quum  autem  dicit  prosperum  iter  in  voluntate  Domini,  declarat  non  tantum  se  exspectare  a  Domini  gratia  prosperitatem  viae,  sed  inde  aestimare  prosperum  iter,  si  Domino  probatur.  Ad  quam  regulam  debent  esse  composita  omnium  vota.  l  l  .  Desidero  enim  videre  vos,  etc.  Poterat,  utcunque  absens,  eorum  fidem  confirmare  sua  doctrina:  sed  quoniam  ex  re  praesenti  consilium  semper  melius  capitur,  ideo  cupiebat  potius  coram.  Finem  autem  consilii  exponit,  ut  significet,  non  suo,  sed  eorum  commodo  profectionis  molestiam  velle  suscipere.  Charismata  spiritualia  vocat,  quas  habuit  vel  doctrinae,  vel  exhortationis,  vel  prophetiae  dotes:  quas  sibi  ex  Dei  gratia  provenisse  noverat.  Hic  eorum  donorum  legitimum  usum  scite  notavit  sub  communicationis  verbo.  Ideo  enim  peculiariter  unicuique  diversa  dona  distribuuntur,  ut  inter  se  benigne  omnes  mutuo  conferant,  et  alii  in  alios  transfundat,  quae  apud  singulos  sunt  deposita.  Infra  12,  3  sqq.,  et  1.  Corinth.  12,  l  l  .  Ad  confirmandos  vos.  Temperat  id  quod  de  communicatione  dixerat:  ne  videatur  tales  eos  ducere  qui  sint  adhuc  primis  elementis  instituendi,  ac  si  nondum  Christo  rite  initiati  essent.  Dicit  ergo  se  in  ea  parte  cupere  illis  commodare  suam  operam,  ubi  iuvandi  sunt  adhuc  qui  maxime  profecerunt.  Confirmatione  enim  indigemus  omnes  donec  in  nobis  Christus  solide  adoleverit  (Ephe.  4,  13).  Nec  contentus  hac  modestia  subiicit  praeterea  epanorthosin  seu  correctionem,  qua  ostendit,  se  sibi  non  ita  docendi  locum  usurpare  quin  mutuo  ab  illis  discere  cupiat:  ac  si  diceret:  Sic  studeo  vos  confirmare  secundum  gratiae  modum  mihi  collatum,  ut  fidei  etiam  alacritatem  exemplo  vestro  capiam,  atque  ita  vicissim  inter  nos  proficiamus.  Vide  in  quantam  moderationem  se  submittat  pium  pectus,  quod  non  recusat  a  rudibus  tiruncuiis  confirmationem  petere.  Neque  tamen  simulanter  loquitur.  Siquidem  nemo  est  adeo  inops  in  ecclesia  Christi,  qui  non  possit  aliquid  in  profectum  nostrum  momenti  adferre  :  sed  impedimur  malignitate  ac  superbia  quominus  talem  ultro  citroque  fructum  colligamus.  Is  est  noster  fastus,  ea  stolidae  gloriae  ebrietas,  ut  aliis  despectis  ac  valere  iussis  sibi  quisque  abunde  sufficere  se  putet.  Ego  cum  Bucero  cohortationem  potius  lego  quam  consolationem:  quia  melius  cum  superioribus  cohaeret.  13.  Nolo  vero  vos  ignorare,  fratres,  quod  saepe  proposui  venire  ad  vos,  et  impeditus  sum  hactenus:  ut  fructum  aliquem  haberem  in  vobis  sicut  et  in  reliquis  gentibus.  14.  Et  Graecis  et  Barbaris,  et  sapientibus  et  stultis  debitor  sum.  15.  Itaque,  quantum  in  me  est,  paratus  sum  vobis  quoque,  qui  Bomae  estis,  evangelizarem