48:17  17  CAPUT  L  18  ne  mora  temporis  fatigemur.  Quantum  ad  animorum  concordiam  spectat,  dissipationi  quam  attulerat  pavor  opponitur.  Simul  tamen  in  genere  j  quam  sit  in  orando  necessaria,  vel  hinc  colligere  promptum  est,  quod  Christus  singulos  pro  toto  corpore,  et  in  commune,  quasi  sub  omnium  persona  orare  iubet:  Pater  noster,  da  nobis,  ete.  Unde  haec  linguarum  unitas,  nisi  ab  uno  spiritu?  Quare  Paulus  15  ad  Rom.  (v.  6)  quum  vult  Iudaeis  et  gentibus  bene  orandi  regulam  tradere,  omnem  procul  simultatem  amovet:  Ut  unanimes,  inquit,  uno  ore  glorificemus  Deum.  Et  certe  ut  Deus  invocetur  a  nobis  pater,  fratres  nos  esse  et  fraterne  consentire  oportet.  15.  In  diebus  illis  exsurgens  Petrus  in  medio  discipulorum  dixit  (erat  autem  turba  nominum  simul  fere  centum  viginti):  16.  Viri  fratres,  oportuit  impleri  scripturam  hanc,  quam  praedixit  spiritus  sanctus  per  os  Davidis,  de  Iuda,  qui  fuit  dux  iis  qui  comprehenderunt  Iesum:  17.  qui  cooptatus  fuerat  in  numerum  nostrum  et  sortitus  erat  partem  ministerii  huius.  (18.  Et  hic  quidem  possedit  agrum  ex  mercede  iniquitatis,  suspensusque  crepuit  medius,  et  effusa  sunt  omnia  eius  viscera.  19.  Et  innotuit  omnibus  habitantibus  Ierosolymae,  ita  ut  votatus  sit  ager  ille  lingua  eorum  Haceldema,  hoc  est,  ager  sanguinis.)  20.  Scriptum  est  enim  in  libro  Psalmorum:  Fiat  habitatio  eius  deserta,  et  non  sit  qui  inhabitet,  et  episcopatum  eius  accipiat  alius.  21.  Oportet  igitur  ex  iis  qui  nobiscum  fuerunt  congregati  toto  tempore,  quo  intravit  et  exivit  inter  nos  Dominus  Iesus,  22.  incipiens  a  baptismate  Ioannis  usque  in  diem  qua  assumptus  est  a  nobis,  unum  fieri  testem  nobiscum  resurrectionis  eius.  15.  Subrogari  in  locum  Iudae  Matthiam  oportuit,  ne  unius  hominis  perfidia  concidisse,  vel  abruptum  esse  videretur  quod  semei  Christus  statuerat.  Non  temere  initio  duodecim  elegit  primarios  evangelii  sui  praecones.  Nam  quum  iudices  duodecim  tribuum  Israel  fore  denuntiat,  consulto  hic  factum  fuisse  docet,  ut  tribus  Israel  per  totum  orbem  dispersas  in  unam  fidem  colligerent.  Postquam  autem  Iudaei  oblatam  sibi  gratiam  respuerunt,  Israelem  Dei  etiam  ex  gentibus  universis  colligi  oportuit.  Erat  ergo  hic  veluti  sacer  numerus,  qui  si  imminutus  fuisset  Iudae  scelere,  minus  fidei  habuisset  atque  hodie  haberet  evangelii  praedicatio:  cuius  exordium,  ut  ita  loquar,  claudicaret.  Quamvis  ergo  Iudas  Christi  institutum,  quantum  in  se  fuit,  violasset,  stetit  nihilominus  firmum  ac  inviolabile.  Periit  ille,  ut  dignus  erat:  apostolorum  tamen  ordo  integer  mansit.  Turba  nominum.  Incertum  est  an  viros  hac  locutione  designet,  qui  soli  proprie  nomen  habent,  quum  mulieres  sub  virorum  nomine  censeantur:  an  vero  simpliciter  nomina  pro  singulis  capitibus  acci-  Calvini  opera.  Vol.  XLVIII.