45:17  17  LUC.  I.  18  instauratio  humana  virtute  superior  erat.  Iam  quae  per  Ioannem  inchoata  est  non  minus  fuit  admirabilis:  quare  non  mirum  est,  si  eodem  dono  ipsum  quoque  ornari  oportuit.  Ut  convertat  corda  patrum.  Hie  notat  angelus,  quid  potissimum  habuerit  Ioannes  simile  eum  Elia.  Mittendum  ergo  pronuntiat,  ut  populum  dissipatum  colligat  in  fidei  unitatem:  conversio  enim  patrum  ad  filios  reductio  est  in  gratiam  ex  dissidio,  unde  sequitur,  quandam  fuisse  rupturam,  quae  populum  scinderet  ac  veluti  laceraret.  Scimus,  Eliae  tempore  quam  horrenda  fuerit  populi  defectio,  quam  turpiter  fuerint  degeneres  a  patribus,  ut  nihil  minus  censeri  deberent  quam  filii  Abrahae,  qui  sic  disiuncti  erant:  eos  reduxit  Elias  in  sanctum  consensum.  Talis  patrum  cum  filiis  colligatio  fieri  coepit  per  Ioannem,  quam  Christus  demum  absolvit.  Quare  Malachias,  quum  de  reductione  loquitur,  significat,  distractum  fore  ecclesiae  statum,  ubi  adveniet  alter  Elias:  qualem  tunc  fuisse  plus  satis  ex  historiis  notum  est,  et  suis  locis  clarius  videbitur.  Doctrina  scripturae  innumeris  commentis  vitiata  erat,  cultus  Dei  plus  quam  crassis  superstitionibus  corruptus,  religio  in  varias  sectas  divisa,  sacerdotes  palam  impii  et  Epicurei,  plebs  ipsa  in  omnem  nequitiam  diffluxerat,  denique  nihil  sanum.  Quod  hic  habetur,  Corda  patrum  ad  filios,  improprium  est,  quia  filios,  qui  foedifragi  erant  et  desciverant  a  recta  patrum  fide,  potius  converti  oportuit.  Verum  etsi  illum  conversionis  ordinem  non  ita  diserte  exprimat  evangelista,  sensus  tamen  minime  obscurus  est,  Deum  facturum  Ioannis  opera,  ut  in  sanctam  concordiam  rursus  coalescant,  qui  prius  fuerant  inter  se  distracti.  Utrumque  membrum  habetur  apud  prophetam,  qui  nihil  tamen  aliud  voluit  quam  mutuum  consensum  notare.  Verum  quia  saepe  homines  sic  inter  se  conspirant,  ut  alii  alios  magis  alienent  a  Deo,  simul  defioit  angelus,  qualis  futura  sit  conversio  quam  promittit,  nempe  quae  inobedientes  revocet  ad  prudentiam  iustorum.  Quod  ideo  notandum  est,  ne  falso  concordiae  praetextu  cum  impiis  stulte  implicemur.  Quia  speciosum  ac  plausibile  est  nomen  pacis,  quoties  occurrit  in  scriptura,  cupide  arripitur  a  papistis  ad  conflandam  nobis  invidiam,  quasi  nos,  qui  mundum  a  perfida  defectione  revocare  ad  Christum  conamur,  discordiarum  simus  autores.  Sed  hoc  contextu  pulcre  refellitur  eorum  inscitia,  quod  angelus  modum  verae  et  legitimae  conversionis  definiens  fulturam  eius  ac  vinculum  facit  iustorum  prudentiam.  Maledicta  ergo  sit  pax  et  unitas,  qua  inter  se  extra  Deum  conveniunt  homines.  Porro  minime  dubium  est,  quin  per  iustorum  prudentiam  intelligenda  sit  fides,  sicut  ex  opposito  inobedientes  vocantur  increduli.  Praeclarum  sane  fidei  elogium,  ex  quo  discimus,  tunc  nos  rite  sapere  ad  iustitiam,  ubi  obsequimur  verbo  Domini.  Habet  suam  quo-  Ccdvvni  opera.  Vol.  XLV.