43:17  17  CAPUT  II.  18  palatia  eius  (hic  nihil  novum  propheta  adducit,  ideo  praetereo)  idque  in  tumultu,  vel  in  clamore,  die  belli.  Significat  propheta  venturos  hostes,  qui  subito  vastent  regnum  Ammon,  et  quasi  repentinum  incendium  corriperet  aliquam  sylvam,  hoc  fiet  in  illa  die  belli,  hoc  est,  simul  ac  ipsos  aggressus  fuerit  hostis,  statim  expugnabit,  et  exiget  vindictam  qualem  meriti  sunt  in  turbine  die  tempestatis.  His  figuris  significat  propheta  repentinam  fore  cladem,  qua  perdentur  Ammonitae.  Tandem  adiungit,  et  rex  eorum  in  captivitatem  ibit  ipse,  et  principes  eius  simul.  Quia  nzhft  fuit  idolum  illius  populi,  quidam  putarunt  poni  hic  proprium  nomen:  sed  dicit  N1H  DD^D  1HIP1,  ipse,  inquit,  et  principes  eius.  Non  dubium  ergo  est,  quin  propheta  appellative  designet  regem  Ammon  quum  adiungit  illi  suos  proceres.  Dicit  igitur  talem  fore  cladem  regni,  ut  rex  ipse  trahatur  captivus  ab  Assyriis.  Nec  dubium  est  quin  hoc  vaticinium  impletum  fuerit,  quanquam  non  exstant  historiae.  CAPUT  IL  1.  Sic  dicit  Iehova,  Super  tribus  sceleribus  Moab,  et  super  quatuor  non  convertam  eum  (vel  non  convertam  me,  sicuti  prius  diximus),  quia  ipse  combussit  ossa  regis  Edom  in  calcem.  2.  JEt  mittam  ignem  in  Moab,  qui  comedet  palatia  Wlp  (alii  vertunt  urbium  appellative:  sed  magis  arbitror  esse  proprium  nomen  loci),  et  morietur  in  tumultu,  in  strepitu,  in  clangore  tubae.  3.  Et  excidam  iudicem  e  medio  eius,  et  omnes  principes  eius  occidam  cum  eo,  dicit  Iehova.  Hic  iam  vaticinatur  Amos  contra  Moabitas,  et  pronuntiat  de  ipsis  quod  ante  vidimus  de  aliis  gentibus  vicinis,  nempe  Moabitas  esse  prorsus  obstinato  animo,  ut  nulla  resipiscentia  sperari  queat,  quoniam  addiderint  scelera  sceleribus,  et  pervenerint  usque  ad  summum  cumulum.  Diximus  enim  quid  numerus  septenarius  valeat.  Propheta  igitur  hic  accusat  obstinationem  in  Moabitis.  Unde  etiam  colligimus  non  fuisse  praecipitem  Dei  vindictam  contra  ipsos,  quia  intolerabilis  erat  eorum  malitia,  quum  ita  sua  scelera  persequuti  essent.  Speciem  vero  unam  designat,  quod  combusserint  ossa  regis  Edom.  Quidam  allegorice  accipiunt  ossa  pro  fortitudine,  quasi  dixisset  propheta,  redactum  fuisse  totum  robur  Edom  in  cineres.  Sed  illa  expositio  est  coacta:  et  qui  eius  sunt  autores  fatentur  etiam  se  necessitate  cogi,  quae  tamen  nulla  est.  Non  placet  illis  commentum  quod  legitur  apud  Rabbinos,  corpus  regis  cuiusdam  fuisse  exustum,  deinde  Moabitas  abusos  fuisse  cineribus  ad  caementum  pro  calce.  Rabbini  sic  nugantur  suo  Calvini  opera.  Vol.  XLIII.