42:17  17  SUR  LE  XI.  CHAP.  DE  DANIEL.  18  peloit  Evergetes  Epiphanes,  car  le  pere  se  nommoit  bien-faicteur,  mais  c'estoit  tout  a  l'opposite,  tant  y  ha  que  cettui-ci  vient  pour  faire  guerre,  et  c'est  celuy  aussi  qui  feist  translater  les  livres  de  Moyse  en  Grec,  cettui-ci  donc  vient  au  pays  avec  une  grosse  armee,  et  fait  la  un  grand  degast,  et  prend  les  villes  qu'avoit  Antiochus  en  Syrie,  c'est  a  dire  qu'il  avoit  eues,  car  il  avoit  encores  ses  deux  enfans  meurtriers  qui  regnoient.  Or  il  fait  quelque  desconfiture,  mais  cependant  il  est  contraint  de  retourner  en  son  pays,  a  cause  de  quelques  revoltes  et  mutineries  qui  furent  la  faites,  tant  y  ha  qu'il  eut  victoire  contre  hes  ennemis,  mais  puis  apres  il  retourne,  car  il  estoit  empesche  en  sa  maison,  et  fut  bien  content  d'accorder  la  paix  avec  ses  ennemis,  a  cause  que  c'estoit  a  son  profit  et  avantage,  et  puis  il  fut  contraint  par  cette  necessite  domestique,  voila  donc  la  seconde  histoire.  Or  les  mots  sont  qu'il  y  aura  un  ietton  de  ses  racines  (de  la  race  de  Berenice)  qui  demourera  stable,  c'est  a  dire,  qui  succedera  a  son  pere,  comme  aussi  ce  royaume  la  fut  le  plus  stable  de  tous:  il  viendra  donc  une  armee,  et  entrera  en  la  forteresse  du  roy  de  Syrie,  et  besongnera  la,  et  se  fortifiera,  car  ii  gaigna  beaucoup  de  places,  et  d'avantage  menera  en  captivite  en  Egypte  leurs  dieux  avec  leurs  princes,  et  perseverera  long  temps  au  pays  du  roy  d'Aquilon,  et  le  roy  de  Midi  entrera  au  royaume,  mais  il  retournera  en  son  pays.  Ce  retour  la  fut  comme  force,  a  cause  de  cette  sedition  qui  s'estoit  esmeue  en  son  absence.  Or  ici  nous  voions  comme  Daniel  ha  prophetise  des  choses  a  venir,  tout  ainsi  que  si  Dieu  les  luy  eust  monstrees  au  doigt,  car  si  nous  voulions  escrire  maintenant  d'une  chose  advenue,  et  que  nous  vousissions  escrire  un  peu  obscurement  a  quelqu'un  qui  peust  entendre  les  choses,  pourrions  -  nous  mieux  deduire  le  tout,  en  le  reduisant  par  facon  d'histoire,  que  Daniel  en  parle  ici?  Par  cela  donc  nous  pouvons  estre  certains  que  c'est  ici  la  verite  de  Dieu,  que  les  prophetes  n'ont  point  parle  de  leur  cerveau,  qu'ils  n'ont  point  este  menes  d'un  esprit  humain,  mais  que  c'est  Dieu  qui  ha  guide  leurs  langues  par  son  sainct  Esprit:  et  ainsi  donc  que  nous  ne  pensions  point  avoir  affaire  a  des  hommes  mortels  quand  l'escriture  saincte  nous  est  mise  au  devant,  mais  que  nous  facions  hommage  a  nostre  Dieu,  et  que  nous  adorions  sa  maieste,  quand  elle  se  declare  ainsi  a  nous,  et  que  nous  recevions  sa  parole  avec  toute  humilite,  que  nous  soions  ravis  en  telle  admiration  que  nous  y  soions  totalement  attentifs,  que  nous  ne  soions  plus  sages  en  nous-mesmes,  mais  qu'il  nous  suffise  d'estre  escoliers  de  ce  grand  maistre  souverain,  puis  qu'il  nous  fait  cet  honneur  de  s'abaisser  ainsi  iusques  a  nous.  Et  au  reste,  nous  avons  a  considerer  comme  Dieu  punist  les  Calvini  opera.  Vol.  XLII.