39:17  17  IN  IEREMIAM.  CAP.  XXXII.  18  cordiam:  et  quum  Deus  rependit  mercedem  fidelibus,  hoc  fundatum  est  in  gratuita  venia,  quoniam  illis  ignoscit  quidquid  alioqui  vitiaret  bona  eorum  opera:  et  si  exacte  velimus  loqui,  Deus  non  rependit  fidelibus  secundum  opera  ipsorum,  nisi  quia  gratuito  illis  ignoscit,  et  condonat  quidquid  peccaverint.  Merces  igitur  pendet  ex  mera  Dei  misericordia.  Quantum  attinet  ad  reprobos,  non  mirum  est  si  dicitur  illis  rependi  iusta  merces  operum,  quia  scimus  dignos  esse  aeterno  interitu,  et  Deum  esse  iustum  iudicem  quum  ulciscitur  eorum  scelera.  Sequitur,  20.  Qui  edidisti  signa  et  portenta  in  terra  Aegypti  usque  ad  diem  hunc,  et  in  Israele,  et  in  hominibus:  et  fecisti  (hoc  est,  comparasti)  tibi  nomen  secundum  diem  hunc.  Specialiter  hic  commemorat  propheta  insigne  illud  Dei  beneficium,  quo  testatus  fuerat  paternum  suum  favorem  erga  ecclesiam.  Dicit  ergo  edita  fuisse  ab  ipso  signa  et  portenta  in  terra  Aegypti,  nempe  in  populi  gratiam.  Quorsum  enim  tot  miracula,  nisi  ut  probaret  se  curam  gerere  electi  populi,  et  ita  sanciret  foedus  suum?  Videmus  ergo  hic  celebrari  Dei  gratiam  erga  filios  Abrahae,  ubi  scilicet  commemorat  signa  et  portenta,  quae  edita  fuerant  in  terra  Aegypti.  Et  ideo  addit  in  Israele.  Commendat  igitur  non  modo  Dei  virtutem  in  miraculis,  sed  praecipue  misericordiam,  qua  dignatus  fuerat  electum  populum.  Dicit  autem  usque  ad  diem  hunc,  non  quod  Deus  ediderit  miracula  tot  saeculis:  sed  intelligit  digna  esse  quae  perpetuo  celebrentur,  et  in  omnes  aetates.  Ergo  hoc  ad  memoriam  et  laudem  potentiae  Dei  refertur,  quum  dicit  propheta  usque  ad  hunc  diem.  Deus  quidem  miracula  ediderat  certo  tempore,  sed  ediderat  ut  in  omnes  aetates  perveniret  eorum  memoria,  ac  posteri  agnoscerent  quam  mirabiliter  egisset  cum  ipsorum  patribus.  Quoniam  ergo  memoratu  digna  fuit  virtus  quam  testatus  est  in  Aegypto,  dicuntur  edita  fuisse  miracula  usque  ad  illum  diem:  et  dicuntur  edita  fuisse  in  Israele,  quoniam  Deus  probare  voluit  certitudinem  fidei  suae  quum  populum  suum  redemit  sicuti  pollicitus  fuerat.  Adiungit  postea  in  hominibus.  Nam  longius  se  extendit  propheta:  postquam  loquutus  est  de  redemptione  populi,  quocunque  se  vertit,  illic  reputat  et  miratur  documenta  potentiae  Dei  quasi  diceret,  Domine,  tu  quidem  peculiariter  testatum  fecisti  quam  inaestimabilis  esset  tua  virtus  et  bonitas:  redemptio  populi  tui  opus  est  insigne,  et  quod  saeculis  omnibus  meretur  praedicari:  sed  quocunque  nos  vertamus,  nullus  est  angulus  in  toto  orbe,  ubi  non  appareant  quaedam  miracula,  quae  nos  movere  debeant  ad  celebrandas  tuas  laudes.  Videmus  ergo  ut  a  specie  propheta  conscendat  Calvini  opera.  Vol.  XXXIX.