38:17  17  IN  IEREMIAM,  CAP.  VIII.  18  Clarius  se  explicat  hoc  versu,  nempe  quod  frustra  se  deludant  Iudaei,  dum  ita  concipiunt  vanas  spes.  Dicit  igitur  non  esse  cur  amplius  se  ipsos  frustrentur,  quia  ubi  centies  sibi  promiserint  pacem,  tamen  exitium  esse  propinquum  :  ubi  sperabunt  tempus  sanationis  adesse,  instare  potius  terrorem.  Videmus  ergo  proximo  versu  non  alio  spectasse,  quam  ut  stultitiam  populi  detegeret,  qui  putabat  se  fore  salvum  propinquis  remediis:  interea  autem  spernebat  Dei  iudicium.  Sequitur,  16.  A  Dan  auditus  est  fremitus  equorum  eius,  a  voce  hinnituum  robustorum  eius  tremefacta  est  (vel  contremuit)  tota  terra:  quia  venient  (nam  copula  hic  resolvi  debet  in  causalem  particulam),  et  comedent  terram,  et  plenitudinem  (vel  copiam)  eius:  urbem,  ei  habitatores  eius.  Dicit  auditum  esse  fremitum  equorum  a  Dan:  erat  unus  ex  terminis  terrae  Chanaan,  sicuti  notum  est.  Quidam  existimant  magnitudinem  fremitus  exprimi,  quia  ab  ipsa  urbe  sancta  auditus  sit  fremitus:  e  longinquo  scilicet.  Atqui  nescio  an  possit  hoc  elici  ex  prophetae  verbis.  Simplicior  ergo  et  rectior  sensus  est,  quod  si  Ierosolyma  secura  sit,  tamen  in  ipsis  terrae  finibus  non  sint  quieti,  quoniam  scilicet  turbantur  fremitu  equorum  hostilium.  A  Dan  igitur  auditus  est  fremitus:  quemadmodum  si  in  urbe  aliqua  cives  delitiis  suis  vacarent,  et  interea  hostiliter  iinpeterentur  fines  terrae,  posset  hoc  merito  dici,  Quid  hic  otio  indulgetis?  nam  vicini  vestri,  aut  fratres  iam  sustinent  graves  insultus  hostium.  Bellum  igitur  in  vestra  terra  gerendum  est,  quamvis  nondum  pervenerit  ad  portas,  et  muros  vestros.  Sic  etiam  hic  loquitur  propheta,  A  Dan  auditus  est  fremitus  equorum  eius.  Posset  hoc  relativum  exponi  de  Assyriis.  Nam  Hebraei  saepe  relativum  ponunt  absque  antecedente.  Sed  magis  probabile  est  Ieremiam  notare  primum  belli  autorem,  nempe  Deum  :  quasi  diceret,  Deus  iam  emittet  hostiles  exercitus,  qui  tumultum  afferent  finibus  terrae  vestrae.  Equos  ergo  Dei  vocat,  quoniam  bellum  illud  non  gerebant  Chaldaei,  nisi  sub  Dei  auspiciis,  quemadmodum  alibi  visum  est,  et  saepius  videbimus.  A  voce  hinnituum,  inquit,  robustorum  eius,  D^TSN  vocat  equos  robustos.  Sed  quia  non  posuerat  epitheton,  nunc  adiungit:  nisi  forte  magis  placeat  de  ipsis  equitibus  accipere:  quod  non  male  conveniet.  Dicit  terram  contremuisse  a  voce  hinnituum  robustorum  eius.  Sed  quoniam  hinnitus  equorum  ponit,  malo  de  equis  ipsis  intelligere.  Dicit,  Venient  et  vorabunt  terram,  et  plenitudinem,  urbem  et  habitatores  eius.  Hic  est  heterosis  numeri.  Urbem  enim  ponit  pro  urbibus,  neque  enim  tantum  minatur  Ierosolymae,  sed  aliis  etiam  vicinis  oppidis.  Quidquid  ergo  erit  copiae  in  terra  Calvini  opera.  Vol.  XXXVIII.