37:17  17  CAPUT  XL.  18  accommodet:  nec  mihi  videtur  hoc  de  spiritu  essentiali  Dei  intelligendum  esse.  Eandem  vero  rem  pluribus  modis  enuntiat  propheta:  ut  sciamus  nihil  esse  homine  stultius,  quum  audet  se  in  coelum  evehere  ut  opera  Dei  suo  ingenio  scrutetur  vel  aestimet.  Hic  igitur  magis  ac  magis  hominum  audaciam  et  temeritatem  comprimere  voluit  Isaias.  Paulus  in  eundem  finem  hoc  testimonium  citat  (Rom.  l  l  ,  34),  ut  scilicet  ab  inscrutabili  illo  Dei  consilio  arceamur.  Deus  enim  de  sua  sapientia  disquiri  non  vult,  nisi  sobrie,  et  quoad  expedit.  Unum  hoc  discrimen  est,  quod  Paulus  spirituale  evangelii  ministerium  humano  ingenio  comprehendi  posse  negat,  propheta  autem  in  genere  commendat  Dei  providentiam.  In  utroque  tamen  humiliari  nos  oportet,  et  sensus  omnes  nostros  ad  obsequium  captivos  offerre.  Quidquid  enim  habemus  rationis  aut  luminis  merae  sunt  tenebrae,  donec  a  Christo  illuminemur.  15.  (En  gentes.)  Si  mentem  prophetae  cupimus  assequi  et  haec  cum  fructu  legere,  tenendum  est  (quod  nuper  attigi)  eius  consilium.  Neque  enim  ex  abrupto  celebrat  Dei  magnitudinem  :  sed  eam  pro  circumstantia  praesentis  causae  quantum  potest  extollit.  Ut  sciant  Israelitae  unum  hunc  clypeum  sufficere  ad  se  protegendos,  modo  Deum  habeant  propitium,  nullos  mundi  conatus,  furores,  impetus  esse  metuendos:  atque  ita  discant  se  recipere  in  Dei  tutelam.  Nisi  enim  penitus  fuisset  hoc  illis  persuasum,  in  singula  momenta  variae  oriebantur  desperationis  causae.  Idem  ergo  prosequitur  argumentum  Isaias,  nihili  esse  omnes  gentes  ac  populos  dicens,  si  cum  Deo  comparentur:  quia  solo  flatu  discutiet  instar  pulvisculi  omnes  terrae  incolas.  Nam  ut  nimium  proclives  sumus  et  perperam  ingeniosi  ad  captandos  diffidentiae  praetextus,  quidquid  a  Satana  obiicitur  saluti  nostrae  adversum  fingimus  viam  Deo  obstruere.  Hoc  vitium  ut  corrigat  propheta,  creaturas  omnes  nihili  esse  admonet  coram  Deo,  omnesque  populos  paucis  et  exiguis  aquae  guttis  esse  similes.  Unde  colligimus  nihil  magis  esse  praeposterum  quam  efferre  creaturas  ad  minuendam  potentiam  Dei,  quae  suprema  omnium  ut  est  ita  agnosci  debet.  16.  (Libanus.)  Id  est:  si  Deo  sacrificandum  sit  pro  dignitate,  nec  totus  Libanus,  nec  ferae  quae  illic  pascuntur  ad  sacrificium  sufficient.  Variis  loquendi  formis  inculcat  hanc  Dei  potentiam:  ut  de  ea  persuasi  homines  creaturas  et  omnem  earum  vim  nihil  morentur.  Quanquam  videtur  consulto  propheta  de  cultu  Dei  agere,  quo  lectores  ad  maiorem  eius  reverentiam  adducat:  quasi  diceret:  Tu  scilicet  Dei  virtutem  metiri  audebis  tuo  sensu,  ad  quem  rite  colendum  instructus  non  eris,  etiamsi  quidquid  est  in  Libano  animalium  et  lignorum  coacerves?  Hinc  colligunt  nonnulli  neminem  posse  Calvini  opera.  Vol  XXXVII.