36:17  17  PROLEGOMENA.  absorbeat.  Atque  hoc  nomine  tibi  etiam  gratulor,  mi  Crispine,  qui  cum  in  illius  viri,  quem  unice  amasti,  libris  et  monumentis  summa  cum  voluptate  verseris,  das  etiam  operam  ut  aliis  ea  communices.  Sic  enim  augentur  isti  sapientiae  thesauri,  et  magno  cum  foenore  ad  eos  redeunt  a  quibus  sunt  profecti.  Sic  efficis  ut  leniatur  desiderium  tanti  viri,  ac  doloris  sensus  quem  tristis  et  praematurus  eius  obitus  peperit  minuatur.  Iam  tertium  revocatus  sub  incudem  tuam  ac  limatus  prodit  hic  liber,  quem  vere  thesaurum  appellare  possum:  propterea  quod  immensas  gratiae  coelestis  opes  contineat,  atque  aditum  ad  maiores  patefaciat.  Quisquis  in  eo  libenter  ac  studiose  versabitur,  certo  sciat  se  non  inanem  rediturum.  Ea  enim  colliget  quae  non  solum  huic  Prophetae,  sed  aliis  omnibus  et  toti  Scripturae  usui  erunt:  nec  dubitet,  si  regulas  teneat  quae  sparsim  inseruntur,  quin  maximum  habeat  lumen  ad  ea  contemplanda  et  fruenda  quae  multis  occulta  et  abscondita  fuerunt.  Quod  igitur  saepius  huic  operi  manus  adhibes,  non  mihi  tantum,  qui  magno  et  diuturno  labore  illud  primum  emisi,  rem  gratam  facis,  sed  iis  omnibus  qui  in  eo  sunt  versati,  aut  etiam  aliquem  eius  gustum  habuerunt.  Id  quod  iam  antea  tot  distractis  exemplaribus  satis  percipere  ac  re  ipsa  experiri  potuisti.  Nec  me  profecto  tunc  spes  fefellit,  quum  toto  quadriennio,  indefesso  labore,  primum  ex  concionibus,  deinde  ex  praelectionibus  meo  tamen  iudicio  et  stylo,  domum  reversus  haec  literis  mandabam.  Ac  quoties  illius  temporis  recordor  quo  simul  haec  Ecclesia  quae  prius  exigua  et  tenuis  erat,  mira  incrementa  accepit,  non  possum  maximo  gaudio  non  percelli.  Tu  vero  satis  meminisse  potes  qualis  esset  illius  status  quum  patria  extorris  huc  primum  appulisti,  deinde  quanto  iam  aucta  esset  numero  quum  recepta  familia  tua,  huc  commigrasti  prorsus  eo  animo  ut  arte  industriaque  tua  piorum  studia  adiuvares.  Haec  ego  libenter  refero  ut  eorum  quae  ipse  expertus  es  commemoratione  acuam  studium  tuum:  teque  ad  ea  quae  suscepisti,  et  quorum  poenitere  nunquam  poterit,  praestanda  excitem,  et  quamvis  sponte  currenti  stimulum  adhibeam.  Perge  igitur,  mi  Crispine,  hac  tua  diligentia  iuvare  eorum  studia  qui  sacris  literis  dediti  sunt:  nec  tantum  huic  operi,  sed  aliis  quoque  edendis  incumbe.  Vides  enim  multa  quamvis  utilissima  praetermitti  ac  prope  negligi  ab  iis  qui  prompto  potius  quaestui  quam  publicae  utilitati  student.  Opuscula  eiusdem  authoris  semel  me  authore  ante  quindecim  annos  excusa  sunt.  Ab  eo  tempore  tametsi  multa  alia  addidit,  nemo  tamen  eidem  operi  manum  admovit,  ut  vel  eadem  vel  alia  quae  postea  accesserunt  simili  exemplo  (de  Latinis  loquor)  una  excuderet.  Ut  ergo  illorum  atque  etiam  aliorum  quae  tibi  satis  nota  sunt  curam  suscipias,  neque  tanti  viri  scriptum  ullum  perire  sinas:  denique  et  ea  quae  pii  et  studiosi  a  te  postulant  praestes,  et  quam  excitasti  iamdudum  de  te  expectationem  magis  ac  magis  sustineas,  ego  te  vehementer  etiam  atque  etiam  rogo.  Deus  faveat  institutis,  tuaque  fausta  et  felicia  esse  iubeat.  Genevae,  Calend.  lan.  1570.  Calvini  opera.  Vol  XXXVI.