35:17  17  IOB  CHAP.  XXXII.  18  point  beaucoup  veu,  et  que  c'est  un  grand  deffaut.  Si  UD  homme  n'a  l'usage,  ii  est  certam  que  tous  les  coups  il  se  iettera  a  la  volee:  car  il  ne  regarde  point  l'issue  des  choses,  il  ne  sait  par  ou  il  faut  commencer:  et  outre  plus  ceste  colere  qui  est  aux  ieunes  gens,  est  du  tout  contraire  a  raison  et  bonne  intelligence.  Quand  un  ieune  homme  sera  bien  regle,  et  qu'il  aura  savoir  quant  et  quant,  si  est-ce  toutes  fois  que  la  ieunesse  precipite  les  gens,  et  il  y  a  en  leur  nature  des  bouillons  tels  qu'ils  ne  se  peuvent  pas  retenir.  Nous  voyons  que  sainct  Paul  exhorte  Timothee  de  n'estre  point  suiet  aux  appetits  de  ieunesse  (2.  Tim.  2,  22).  Or  il  n'entend  point  par  les  appetits  de  ieunesse,  d'estre  desbauche  ou  en  ieux,  ou  en  paillardises,  ou  en  yvrongnerie,  et  autres  dissolutions.  Timothee  estoit  un  miroir  et  patron  de  toute  sainctete  en  soy,  il  faut  mesmes  que  sainct  Paul  l'exhorte  a  boire  du  vin  (1  Tim.  5,  23):  or  toutes  fois  il  luy  parle  d'appetis  de  ieunesse.  Et  pourquoy?  Car  d'autant  qu'il  estoit  ieune  d'aage,  il  pouvoit  encores  estre  trop  hastif  en  d'aucunes  choses.  Ainsi  donc  s'il  a  fallu  que  Timothee  receust  ceste  admonition  ici,  luy  qui  surmontoit  les  anciens  en  prudence  et  en  gravite:  que  sera-ce  du  commun  peuple?  Et  ainsi  que  les  ieunes  gens  regardent  a  eux:  car  s'ils  n'ont  ceste  honestete  d'escouter  ceux  qui  sont  plus  aagez,  et  d'apprendre  d'eux,  et  de  suivre  leur  conseil:  il  est  certain  que  quand  ils  auroyent  toutes  les  vertus  du  monde,  ce  seul  vice  sera  pour  ies  contaminer,  et  souiller  toutes.  Or  si  est-ce  un  vice  fort  commun  que  ceste  presomption  :  car  les  ieunes  gens,  d'autant  qu'ils  n'ont  point  senti  les  difficultez  qui  sont  en  beaucoup  de  choses,  marchent  hardiment:  car  rien  ne  leur  couste,  rien  ne  leur  est  impossible.  La  ieunesse  donc  emporte  tousiours  presomption  avec  soy,  et  c'est  un  mal  ordinaire  et  par  trop:  tant  y  a  que  si  n'est-il  point  a  supporter,  Car  (comme  nous  avons  dit)  si  un  ieune  homme  a  beaucoup  de  vertus  au  reste,  et  qu'il  se  fie  en  soy,  et  mesprise  les  gens  aagez,  et  qu'il  luy  semble  qu'il  est  assez  habile  pour  mener  le  reste:  Dieu  le  confondra  en  tout  son  orgueil,  et  toutes  les  graces  qui  estoyent  en  luy  seront  abolies.  Et  d'autant  plus  ceux  qui  sont  ieunes,  et  qui  n'ont  pas  encores  beaucoup  veu,  se  doivent  tenir  en  bride.  Et  mesmes  quand  nous  voyons  qu'auiourd'huy  le  monde  est  si  desborde,  que  les  ieunes  gens  ont  cueilli  une  audace  diabolique,  qu'il  n'est  point  question  de  recevoir  ny  doctrine  ny  rien  qui  soit:  ceux  qui  ont  quelque  crainte  de  Dieu  doivent  tant  plus  batailler  contre  eux-mesmes,  a  fin  qu'ils  ne  soyent  point  transportez  a  la  facon  commune.  Nous  verrons  ces  ieunes  rustres,  si  tost  qu'ils  ne  sont  plus  suiets  aux  verges,  ils  feront  des  hommes:  et  toutes  fois  ils  ne  sont  pas  dignes  encores  d'estre  appelez  Calvini  opera.  Vol  XXXV.