34:17  17  IOB  CHAP.  XVI.  18  et  que  ceux-la  Vont  tellement  descire  par  pieces,  que  le  fiel  luy  est  tombe  par  terre,  c'est  a  dire,  qu'il  a  este  navre  iusques  au  coeur.  Iob  parlant  ainsi,  veut  exprimer  que  Dieu  ne  Ta  point  afflige  d'une  facon  commune.  Or  regardons  maintenant  a  nous,  car  si  nous  endurons  quelque  peu  de  mal,  il  nous  semble  que  c'est  trop,  et  que  Dieu  ne  tient  point  de  mesure:  nous  sommes  si  delicats,  que  c'est  pitie,  il  ne  faut  rien  pour  nous  faire  escarmoucher  iusques  au  bout.  Encores  s'il  n'y  avoit  que  quelques  plaintes,  on  pourroit  attribuer  cela  a  nostre  foiblesse:  mais  quand  les  hommes  font  un  tel  bruit,  qu'ils  s'eslevent  a  l'encontre  de  Dieu  pour  quelque  mal  commun  qu'ils  auront  a.  souffrir,  ne  voila  pas  une  impatience  trop  grande?  N'est-ce  pas  signe  que  nous  n'avons  point  este  a  l'escole  de  Dieu  pour  apprendre  que  c'estoit  de  souffrir,  et  de  nous  rendre  obeissans  a  sa  volonte?  Ainsi  donc,  afin  que  nous  apprenions  d'estre  plus  robustes,  pour  soustenir  les  chastiemens  que  Dieu  nous  envoyera,  retenons  ce  qui  nous  est  ici  monstre:  que  Iob  qui  estoit  si  excellent  en  sainctete,  et  que  Dieu  aimoit,  neantmoins  n'a  pas  laisse  d'estre  constitue  comme  un  blanc.  Or  i'ai  dit  que  nous  devons  estre  robustes  en  nos  afflictions:  non  point  pour  nous  endurcir  contre  Dieu,  et  pour  ronger  nostre  frein,  comme  nous  en  verrons  beaucoup.  Car  voila  qui  est  cause  que  les  hommes  s'endurcissent,  et  qu'ils  ne  peuvent  estre  amenez  k  repentance.  Nous  devons  donc  estre  tendres  en  ceste  facon-la,  c'est  assavoir,  que  si  tost  que  Dieu  nous  touche,  nous  devons  estre  resveillez  pour  penser  a  luy,  que  nous  n'attendions  pas  qu'il  desgaine  l'espee  contre  nous,  et  qu'il  nous  en  navre,  que  nous  n'attendions  pas  qu'il  desploye  ses  flesches,  ne  qu'il  foudroye.  Quoy  donc?  Si  tost  que  Dieu  nous  frappe  d'un  coup  de  verge,  encores  que  ce  soit  doucement,  il  nous  faut  estre  paisibles:  et  mesmes  si  nous  estions  sages  et  bien  advisez,  nous  n'attendrions  pas  qu'il  frappast  un  seul  coup,  mais  nous  serions  advertis  a  ses  seules  menaces,  et  tascherions  de  revenir  devant  qu'il  touche.  Voila  donc  comme  il  est  bon  et  utile  que  les  fideles  sentent  la  main  de  Dieu,  et  qu'ils  ne  soyent  point  durs  aux  coups.  Car  aussi  un  cheval  sera  dur  a  l'esperon,  l'estimera-on  pour  cela?  lui  attribuera-on  a  vertu?  C'est  un  vice.  Ainsi  donc  en  est-il  de  nous,  que  si  Dieu  ne  frappe  point  a  coup  d'espee,  mais  seulement  qu'il  nous  monstre  l'ombre  d'une  verge,  nous  devons  estre  esmeus.  Mais  cependant  neantmoins  il  nous  faut  estre  robustes  en  tel  sens  comme  i'ay  dit:  c'est  que  nous  ne  perdions  point  courage,  pour  estre  tellement  angoissez,  que  nos  maux  ne  soyent  point  adoucis,  que  nous  n'ayons  nulle  apprehension  de  la  grace  de  Dieu,  car  ceux  qui  sont  ainsi  pressez,  ne  peuvent  nullement  se  reduire:  pource  que  si  nous  apprehendons  que  Dieu  Calvini  opera.  Vol  XXXIV.