32:17  17  PSALMUS  XCIV.  18  tidie  volvitur,  et  in  mole  tantae  magnitudinis  nulla  est  concussio  quae  aequabilem  cursum  in  tanta  celeritate  perturbet.  Sol  quum  in  circuitu  quotidiano  semper  diversum  iter  teneat,  quotannis  in  idem  redit  punctum.  Planetae  in  suis  erroribus  stationem  tamen  suam  non  deserunt.  Terra  quomodo  in  aere  penderet,  nisi  Dei  manu  suffulta?  Quomodo  in  tam  praecipiti  coelorum  agitatione  staret  immobilis,  nisi  firmitudinem  hanc  a  suo  opifice  haberet?  Est  igitur  emphatica  particula  inj  a  c  s*  latine  diceremus,  et  sane.  2.  (Stabile  solium  tuum.)  Quod  alii  paratum  vertunt,  contextui  non  male  convenit,  modo  coniunctim  legamus  haec  duo  membra,  Domine  quum  tu  sis  a  saeculo,  solium  quoque  tibi  ab  eo  tempore  erectum  est.  Nam  quod  interpretes  simpliciter  de  aeternitate  Dei  hoc  dictum  esse  volunt,  frigidum  est,  docet  enim  his  verbis  propheta,  sicuti  aeterna  Dei  essentia  est,  ita  semper  imperio  et  maiestate  fuisse  praeditum.  Nam  solii  *  nomine  per  synecdochen,  iustitiam  et  gubernandi  munus  designat  :  ut  similitudines  istae  ab  hominibus  sumptae,  pro  infirmitatis  nostrae  captu  improprie  solent  ad  Deum  transferri.  Hoc  autem  elogio  crassa  omnia  commenta,  quae  Dei  potentiam  vel  abrogant  vel  extenuant,  propheta  refellit:  ac  si  diceret,  non  aliter  fore  Deum,  nisi  solio  suo  insideat,  hoc  est,  simul  teneat  mundi  gubernacula.  3.  Extulerunt  flumina,  Iehova,  extulerunt  flumina  vocem  suam,  extollent  flumina  gurgites  suos:  4.  A  vocibus  aquarum  magnarum  terribiles  fluctus  maris,  terribilis  in  excelso  Iehova.  5.  Testimonia  tua  verificata  sunt  valde:  domui  tuae  decus,  sanctitas  Iehova  in  longitudinem  dierum.  3.  (Extulerunt  flumina.)  Varie  interpretes  hunc  versum  exponunt.  Aliqui  metaphorice  notari  putant  violentos  hostium  impetus  qui  surrexerant  contra  ecclesiam,  et  Dei  gratiam  celebrari  qui  eos  compescuerit.  Alii  simpliciter  potius  quam  figurate  accipere  malunt.  Quamvis  terribiles  sint  magnarum  aquarum  strepitus,  et  eorum  terrorem  superent  fluctus  maris,  Deum  tamen  in  supremo  gradu  esse  terribilem.  Ego  ut  in  comparationis  argutia  non  insisto,  non  dubito  quin  propheta  quasi  per  hypotyposin  Dei  potentiam  hic  nobis  exprimat:  quasi  diceret,  quaerendum  non  esse  illustrius  specimen  potentiae  Dei  ut  nobis  formidabilis  sit  eius  maiestas,  quam  in  rapido  fluminum  decursu  et  maris  tempestatibus,  sicuti  Psalmo  29,  o  dictum  fuit  in  tonitru  resonare  terrificam  Dei  vocem.  Summa  est,  Deum  in  fluminum  strepitu  et  tempestuosis  maris  fluctibus  virtutem  exserere,  qua  nos  ad  sui  reverentiam  commoveat.  Nunc  si  placeat  comparatio,  addendum  erit,  hoc  quoque  nihil  esse  ubi  ad  ipsam  Dei  maie-  Calvini  opera.  Vol.  XXXII.