31:17  17  18  abstersum  in  lucem  producitur.  Denique  si  invocatio  Dei  maximum  salutis  nostrae  praesidium  est,  quando  non  aliunde  melior  ac  certior  peti  eius  potest  regula  quam  ex  hoc  libro:  ut  quisque  in  eius  intelligentia  optime  profecerit,  bonam  coelestis  doctrinae  partem  erit  assequutus.  Seria  precatio  ex  necessitatis  nostrae  sensu  primum,  deinde  ex  promissionum  fide  nascitur.  Hic  tam  ad  mala  sua  sentienda  optime  expergefient  lectores,  quam  de  quaerendis  remediis  admonebuntur.  Atque  adeo  quidquid  ad  nos  animandos  facere  potest,  ubi  orandus  est  Deus,  in  hoc  libro  monstratur.  Nec  vero  tantum  occurrunt  promissiones:  sed  inter  Dei  invitationem  et  carnis  impedimenta,  nobis  saepe  in  medio  statuitur  qui  se  ad  precandum  accingit:  ut  si  quando  nos  exagitent  variae  dubitationes,  luctari  discamus,  donec  liber  ad  Deum  animus  assurgat.  Neque  id  modo,  sed  per  haesitationes,  metus,  trepidationes  nitamur  tamen  ad  orandum,  donec  solatii  nos  non  poeniteat.  Sic  enim  statuendum  est,  quamvis  ianuam  precibus  nostris  praecludat  diffidentia,  non  esse  tamen  cedendum,  quoties  vacillant  animi  vel  inquietudine  feruntur,  donec  ex  suis  certaminibus  victrix  emergat  fides.  Et  multis  in  locis  animadvertere  licet  servos  Dei  ita  fluctuantes  inter  orandum,  ut  alternis  vicibus  fere  oppressi  palmam  arduo  conatu  obtineant.  Illic  ab  una  parte  ee  prodit  carnis  infirmitas:  ab  altera  vero  se  exserit  vis  fidei,  si  non  tam  strenua  quam  optandum  foret,  parata  saltem  ad  certandum,  donec  paulatim  solidum  robur  acquirat.  Quia  tamen  quae  ad  rationem  rite  precandi  valent  toto  opere  sparsa  reperientur,  supervacua  repetitione  non  onerabo  lectores,  neque  etiam  morabor  eorum  progressum.  Tantum  hoc  in  transcursu  indicare  operae  pretium  fuit,  praestari  nobis  hoc  libro,  quo  nihil  magis  est  optabile,  non  modo  ut  familiaris  ad  Deum  pateat  accessus,  sed  ut  infirmitates,  quas  pudor  hominibus  fateri  prohibet,  fas  as  liberum  sit  coram  eo  explicare.  Iam  vero  sacrificium  lau-  Calvini  opera.  Vol  XXXI.