30:17  17  IN  L  LIB.  SAMUEL.  CAP.  XIII.  18  nae  laudi  ducetur,  rebus  omnibus  ex  animi  sententia  fluentibus  et  succedentibus,  Dei  mandatis  morem  gerere,  sed  quum  vis  quaedam  maior  accedit,  tum  coercendi  sunt  sensus  nostri  omnes,  et  adversum  nos  ipsos  pugnandum  est,  et  affectus  cohibendi,  ut  Deo  suum  honorem  reddamus,  sincere  nihilominus  eum  colentes  et  venerantes.  Atque  illa  est  fidei  nostrae  exploratio,  quum  in  maximis  periculis  et  tentationibus  constantiam  retinemus,  et  spem  in  unum  Deum  reiicimus.  Saul  igitur  omni  excusatione  caret.  Quare  discamus  in  genere  hoc  exemplo  sapere,  et  in  unum  Deum  eiusque  providentiam  ita  recumbere,  ut  ipse  nobis  legem,  non  illi  nos  imponamus:  neque  ad  hunc  vel  illum  diem  ipsius  opem  alligemus:  sed  fidelem  esse  Deum  persuasi,  illi  acquiescamus  :  atque  illum,  licet  nostra  opinione  tardius  adveniat,  mature  semper  adfuturum  ne  dubitemus.  Neque  enim  rebus  creatis  et  mortalibus  similis  est  Deus,  quibus  effluunt  occasiones,  quas  deinceps  nequeunt  recuperare:  sed  Deo  suae  semper  constant  rationes  efficiendi  quod  decrevit,  et  quod  ab  illo  speramus  ipsius  verbo  freti.  Sane  multi  peccant  hic  impatientia  et  errore.  Conspicuum  id  fit  Sarae  exemplo  matris  fidelium,  quae  virum  etiam  suum  Abrahamum  in  eundem  secum  errorem  induxit.  Namque  Abrahamus  acceperat  promissionem  futurae  posteritatis.  Sed  iam  provectioris  aetatis  erat:  et  Sara  sterilis  et  extra  aetatem  quae  posset  concipere.  Verum  tamen  sine  prole  nulla  ipsis  spes  salutis  superest.  Neque  enim  tantum  liberos  ad  possidendum  terram  quam  a  Domino  acceperant  in  haereditatem  exspectabant  :  sed  sanctum  ac  benedictum  semen  ex  quo  Christus  salus  totius  mundi  oriundus  expetebant.  Sara  itaque  hic  maximis  difficultatibus  arctatur,  rationemque  ex  impatientia  Dei  verbo  contrariam  init.  Nam  Abrahamo  contra  Dei  legem  aliam  uxorem,  puta  ancillam  matrimonio  iungit:  et  ita  efficit  ut  ordinem  quem  oportebat  esse  inviolabilem  transgrediatur.  Sed  quid  inde  tandem  oritur?  Nempe  adulterinum  semen  quo  tota  familia  perturbatur  Abrahami:  adeo  ut  ipse  cogatur  veluti  sua  viscera  proiicere,  quod  nimium  praeceps  fuisset:  et  tali  poena  non  esset  indignus,  quod  in  Deo  non  totus  acquievisset.  Idem  Sarae  lapsus,  quae  nimium  praeceps  Dei  gratiam  praevenit,  non  exspectato  tempore  quod  Deus  ipse  praefixerat.  Non  cognoverunt  Deum  ita  dubios  illos  tenere,  ut  fide  obiectum  illud:  Quid  nobis  miseris  fiet  sine  prole?  superarent.  Nulla  promissionis  illius  spes  apparet.  Atqui  maius  pondus  apud  illos  oportuit  habere  Dei  verbum,  ac  sibi  persuadere,  licet  coelum  et  terra  cum  omnibus  elementis  adversus  ipsos  conspirarent,  nihilominus  tamen  Deum  suas  promissiones  impleturum.  Quae  quum  ita  sint,  hodie  nobis  ea  documento  esse  oportet,  et  ex  illis  in  Dei  schola  tan-  Ccdvini  opera.  Vol.  XXX.