3:17  17  AU  ROY  DE  FRANCE.  18  est:  c'est  assavoir,  qu'elle  engendre  une  grande1)  multitude  de  sectes,  force2)  troubles  et  seditions,  et  une  licence  desbordée3)  de  malfaire.  Certes  il  leur  est  bien  facile  de  prendre  leur  avantage  contre  une  cause  deserte  et  delaissée:  principalement  quand  il  faut  persuader  au  populaire  ignorant  et  credule:  mais  si  nous  avions  aussi  bien  lieu  de  parler,  i'estime  que  leur  ardeur,  dont  ils  escument  si  asprement  contre  nous,  seroit  un  peu  refroidie.  Premierement,  en  ce  qu'ils  l'appellent  Nouvelle,  ils  font  mout  grande  iniure  à  Dieu,  duquel  la  sacrée  parolle  ne  meritoit  point  d'estre  notée  de  nouvelleté.  Certes  ie  ne  doute  point,  que  touchant  d'eux  elle  ne  leur  soit  nouvelle:  veu  que  Christ  mesme,  et  son  Evangile  leur  sont  nouveaux.  4  )  Mais  celuy  qui  sait  que  ceste  predication  de  sainct  Paul  est  ancienne:  c'est  que  Iesus  Christ  est  mort  pour  noz  pechez,  et  ressuscité  pour  nostre  iustification  (Rom.  4,  25):  il  ne  trouvera  rien  de  nouveau  entre  nous.  Ce  qu'elle  a  esté  long  temps  cachée  et  incogneue,  le  crime  en  est  à  imputer  à  l’impieté  des  hommes.  Maintenant  quand  elle  nous  est  rendue  par  la  bonté  de  Dieu,  pour  le  moins  elle  devoit  estre  receue  en  son  authorité  ancienne.  D'une  mesme  source  d'ignorance  provient  ce  qu'ils  la  reputent  douteuse  et  incertaine.  Vrayement  c'est  ce  que  nostre  Seigneur  se  complaind  par  son  Prophete:  Que  le  boeuf  a  cogneu  son  possesseur,  et  l'asne  l'estable  de  ses  maistres:  et  luy,  qu'il  est  mescognu  de  son  peuple  (Is.  1,  3).  Mais  comment  qu'ils  se  moquent  de  l'incertitude  d'icelle,  s'ils  avoyent  a  signer  la  leur  de  leur  propre  sang,  et  aux  despens  de  leur  vie,  on  pourroit  voir  combien  ils  la  prisent.  Nostre  fiance  est  bien  autre,  laquelle  ne  craind  ne  les  terreurs  de  la  mort,  ne  le  iugement  de  Dieu.  En  ce  qu'ils  nous  demandent  miracles,  ils  sont  desraisonnables.  Car  nous  ne  forgeons  point  quelque  nouveau  Evangile:  mais  nous  retenons  celuy,