29:17  17  SUR  LB  DEUTER.  CHAP.  XXXII.  18  la  paille  ou  du  foin  que  le  feu  consommera  incontinent:  mesmes  nous  ne  serons  qu'estouppes.  Voila  donc  comme  nous  avons  a  faire  valoir  ceste  doctrine,  si  nous  ne  voulons  point  que  la  sentence  que  Dieu  prononce,  s'execute  sur  nous:  c'est  assavoir  que  d'autant  que  son  ire  s'allume  ainsi,  et  qu'elle  est  pour  tout  consommer,  que  si  tost  qu'il  nous  en  menace,  que  nous  retournions  a  luy,  voire  en  telle  sorte  qu'il  ne  nous  trouve  point  un  peuple  fol  et  esgare,  et  la  ou  il  n'y  aura  que  legerete  et  inconstance.  LE  SEPTIESME  SERMON  SUR  LE  CHAP.  XXXII.  V.  23-27.  DU  VENDREDI  5E  DE  IUIN  1556.  Nous  vismes  hier  que  Moyse  apres  avoir  parle  de  la  vengeance  de  Dieu  a  ce  peuple  d'Israel,  monstroit  combien  elle  est  horrible:  d'autant  que  les  hommes  du  premier  coup  ne  sont  point  esmeus  comme  il  seroit  requis,  voire  pour  sentir  leur  mal  pour  s'y  desplaire,  et  pour  estre  humiliez  et  confus  devant  Dieu.  Car  selon  que  les  hommes  sont  tardifs  a  cela,  nostre  Seigneur  monstre  que  quand  il  les  menace,  ce  n'est  pas  un  ieu,  il  n'est  plus  question  de  s'endormir  ne  d'estre  a  son  aise:  mais  que  plustost  tout  doit  trembler.  Or  suyvant  cela  Moyse  adiouste:  Qu'il  envoyera  tous  les  maux  qu'on  pourra  penser  contre  ce  peuple^  qu'il  desployera  ses  flesches,  iusques  a,  tout  consommer,  qu'il  armera  les  bestes  sauvages,  qu'il  envoyera  les  serpens  venimeux  contr'eux:  combien  qu'ils  se  trainent  a  la  poudre,  qu'ils  ne  laisseront  point  de  les  atteindre  de  leur  morsure,  qu'ils  seront  bruslez  de  faim,  qu'il  leur  envoyera  des  maladies  ardentes,  et  puis  l'ennemi  au  dehors,  la  frayeur  au  dedans,  qu'il  n'espargnera  ne  petis  enfans,  ne  vieilles  gens,  ne  rien  qui  soit.  Or  de  prime  face  il  sembleroit  bien  que  Dieu  fust  excessif  en  telle  rigueur:  car  puis  qu'il  avoit  choisi  la  lignee  d'Abraham  d'entre  tout  le  monde,  et  que  l'adoption  n'est  point  fondee  sur  aucun  merite,  ni  en  quelque  dignite:  mais  Dieu  par  sa  bonte  gratuite  l'avoit  ainsi  voulu:  faut-il,  combien  que  ces  miserables  ayent  griefvement  offense,  que  Dieu  use  d'une  severite  si  grande  a  l'encontre  d'eux?  Pourquoy  est-ce  que  plustost  il  ne  les  espargne,  et  qu'il  ne  fait  valloir  la  grace  qu'il  a  desia  declare?  mais  nous  avons  veu  ci  devant  la  longue  patience  de  laquelle  Dieu  avoit  use.  Et  il  est  bien  raison,  quand  les  hommes  amassent  ainsi  de  longue  main  un  thresor  d'ire,  par  ce  qu'ils  abusent  de  la  bonte  de  Dieu,  et  qu'il  semble  qu'ils  le  vueillent  despiter  Calvini  opera.  Vol.  XXIX.