28:17  17  SUR  LE  DEUTER.  CHAP.  XXII.  mesme  nature,  par  laquelle  Dieu  nous  a  tous  conioints  et  unis.  C'est  donc  ce  que  nous  avons  a  observer  en  ce  passage  de  ce  mot  de  Frere:  sachant  que  quand  Dieu  a  ainsi  parle  aux  Iuifs,  entant  qu'il  avoit  adopte  le  lignage  d'Abraham,  qu'auiourd'huy  il  nous  monstre  que  nous  devons  estre  freres,  puis  qu'ainsi  est  que  nostre  Seigneur  Iesus  Christ  a  publie  la  paix  a  tout  le  monde,  et  que  Dieu  s'est  reconcilie  avec  toutes  creatures  et  avec  toutes  nations.  Puis  qu'ainsi  est,  il  faut  que  nous  ayons  ceste  fraternite  qui  a  este  dediee  en  son  sang,  et  a  laquelle  Dieu  nous  appelle.  Et  combien  que  beaucoup  de  malins  taschent  a  la  corrompre,  quand  par  leur  ingratitude  ils  s'alienent  de  l'Eglise,  et  se  rendent  nos  ennemis,  tellement  que  nous  aurions  occasion  de  procurer  leur  dommage:  toutesfois  que  nous  bataillions  contre  leur  malice,  et  que  nous  taschions  de  procurer  et  le  salut  de  leurs  ames,  et  le  bien  de  leurs  corps  entant  qu'en  nous  sera.  Et  quand  nous  verrons  que  de  nostre  part  nous  serons  infirmes,  et  que  nous  ne  pourrons  point  ranger  nos  affections  en  l'obeissance  de  Dieu  si  bien  comme  il  seroit  a  souhaiter,  que  nous  prions  ce  bon  Dieu  qu'il  nous  fortifie  par  son  S.  Esprit,  afin  que  nous  puissions  resister  aux  combats  qui  nous  eeront  livrez:  tellement  que  nous  en  ayons  la  victoire  quand  il  nous  aura  une  fois  despouillez  de  nostre  chair.  LE  DEUXIESME  SERMON  SUR  LE  CHAP.  XXII.  V.  5-8.  DU  VENDREDI  3E  DE  IANVIER  1556.  La  premiere  Loy  que  nous  avons  recitee,  monstre  que  nous  devons  regarder  en  toute  nostre  vie  d'estre  honnestes,  et  non  point  dissolus.  Vray  est  que  ce  n'est  point  une  chose  de  si  grande  importance  (comme  il  semblera)  d'estre  habille  d'une  facon  ou  d'autre:  mais  cependant  Dieu  veut  que  les  choses  se  facent  tellement,  qu'il  y  ait  ordre.  Car  si  les  hommes  sont  desguisez,  et  qu'il  y  ait  des  accoustremens,  qui  ne  servent  point  tant  a.  l'usage  qu'a  quelque  folie:  cela  ne  convient  point.  Si  les  femmes  sont  dissolues,  et  que  sera-ce?  Elles  pourront  oublier  leur  naturel:  car  les  femmes  doivent  avoir  modestie.  S'il  n'y  a  point  de  honte,  mais  qu'elles  soyent  du  tout  dissolues:  voila  une  brutalite.  C'est  donc  en  somme  ce  que  Dieu  a  entendu,  en  disant  que  les  hommes  ne  se  doivent  point  accoustrer  de  vestemens  de  femme  :  et  que  les  femmes  aussi  ne  doivent  point  estre  vestues  en  hommes.  Oar  c'est  bien  raison  qu'il  y  ait  pour  distinguer  les  hommes  Calvini  opera.  Vol  XXVIII.