27:17  17  SUR  LE  DEUTER.  CHAP.  X.  18  Dieu,  il  falloit  que  ceste  arche  de  Palliace  fust  maniee  avec  reverence,  et  Dieu  avoit  establi  des  sacrificateurs  et  Levites.  Car  tous  estoyent  sacrificateurs:  mais  ceux  qui  portoyent  l'arche  estoyent  de  Tordre  inferieur  de  la  dignite  sacerdotale.  Tant  y  a  que  Dieu  avoit  establi  les  Levites,  afin  de  porter  l'arche  :  afin  qu'il  fust  mieux  cogneu  par  cela,  qu'il  y  avoit  une  dignite  excellente,  et  qu'il  ne  s'y  falloit  point  iouer.  Comme  nous  voyons  mesmes  que  Dieu  n'a  point  souffert  que  l'arche  fust  iamais  touchee  sinon  par  les  Levites  :  celuy  mesmes  qui  y  va  de  bon  zele,  quand  l'arche  est  amenee  par  David,  il  meurt  soudain,  si  tost  qu'il  l'a  attouchee:  il  voit  que  l'arche  veut  tomber,  il  pense  y  mettre  la  main  pour  la  garder  de  choir,  il  y  procede  de  bon  zele:  et  cependant  qu'il  soit  puni  si  griefvement,  il  semble  bien  que  cela  soit  fort  rigoureux:  mais  c'est  pour  monstrer  qu'il  n'est  point  licite  en  facon  que  ce  soit  de  rompre  l'ordre  que  Dieu  a  establi  :  il  regarde  a  la  fin.  Car  si  nous  regardons  la  chose  en  soy,  pourquoy  est-ce  que  l'arche  ne  peut  estre  maniee  de  tout  le  peuple?  Car  ils  estoyent  tous  sanctifiez  a  Dieu,  ils  estoyent  tous  circoncis,  et  portoyent  la  marque  de  l'alliance:  et  pourquoy  donc  est-ce  qu'un  homme  qui  par  bonne  affection  touche  seulement  a  l'arche  meurt  incontinent?  Voire,  mais  Dieu  regarde  a  la  fin  de  la  Loy,  c'est  qu'il  veut  qu'on  obeisse  pleinement  a  sa  parolle:  car  si  sa  parolle  est  en  mespris,  il  n'y  aura  que  rebellion  a  l'encontre  de  luy.  Il  est  vray  que  les  hommes  feront  bien  semblant  de  le  vouloir  honorer  et  servir:  mais  ce  n'est  que  feintise  cependant.  Voulons-nous  donc  faire  un  vray  hommage  a  Dieu,  et  qu'il  l'accepte?  Il  faut  que  et  grans  et  petis  s'assuiettissent  a  la  parolle  de  Dieu,  et  qu'ils  suyvent  la  simplicite  d'icelle  :  et  que  cependant  nous  sachions  que  c'est  une  chose  si  precieuse,  qu'il  ne  faut  point  que  les  hommes  y  meslent  quelque  chose  du  leur:  car  ce  ne  sera  que  corruption.  Or  pource  que  les  hommes  ne  sont  point  faciles  d'estre  instruits  en  cela:  Dieu  a  voulu  monstrer  par  un  signe  visible  combien  il  prise  sa  parolle.  Voila  pourquoy  il  a  separe  une  lignee  a  part,  pour  porter  l'arche  de  l'alliance.  Les  sacrificateurs  qui  estoyent  specialement  ordonnez  pour  faire  les  sacrifices,  pour  le  reconcilier  avec  les  hommes,  et  pour  representer  la  personne  de  nostre  Seigneur  Iesus  Christ:  Dieu  a  voulu  que  ceux-la  portassent  sa  parolle,  et  qu'approchans  de  luy,  ils  fussent  moyenneurs  entre  luy  et  les  hommes.  Voila  donc  comme  Dieu  par  signes  visibles,  et  par  ceste  ceremonie  externe  a  voulu  instruire  le  peuple  a  humilite,  afin  que  sa  parolle  fust  tenue  en  toute  reverence,  et  qu'elle  demeurast  a  iamais  en  son  entier.  Or  auiourd'huy  nous  n'avons  plus  la  ceremonie:  mais  nous  avons  la  verite  qui  doit  estre  permanente  iusques  a  la  fin  du  monde.  Apprenons  Calvini  opera.  Vol  XXVII.