26:17  17  SUR  LE  DEUTER.  CHAP.  II.  18  LE  DEUXIEME  SERMON  SUR  LE  CHAP.  II.  V.  8-23.  DU  VENDREDI  26��  D'AVRIL  1555.  Comme  hier  nous  vismes,  qu'il  estoit  commande  aux  enfans  d'Israel  de  passer  par  le  pays  d'Idumee,  sans  faire  aucune  iniure  aux  habitans,  pource  qu'il  y  avoit  parentage  entr'eux,  qu'ils  estoyent  descendus  d'Esau  frere  de  Iacob:  aussi  maintenant  il  est  dit,  qu'ils  passent  par  le  pays  de  Moab,  et  d'Ammon,  sans  nuire,  sans  faire  aucune  extorsion,  acause  qu'ils  estoyent  aussi  parens.  Car  les  Moabites  et  Ammonites  estoyent  descendus  de  Lot:  et  Dieu  veut  que  cela  soit  encores  recognu  par  les  enfans  d'Israel.  Or  cependant  nous  avons  a  noter,  que  Dieu  a  ici  esprouve  derechef  l'obeissance  de  son  peuple.  Car  desia  les  enfans  d'Israel  avoyent  beaucoup  langui:  combien  qu'ils  fussent  nourris  par  la  bonte  gratuite  de  Dieu,  que  la  manne  leur  fust  iournellement  envoyee  du  ciel  :  toutesfois,  si  nous  regardons  a  leur  conduite,  le  temps  leur  devoit  sembler  bien  long,  et  pouvoyent  estre  faschez  tant  et  plus.  Maintenant  encores  Dieu  leur  commande  de  passer  leur  chemin,  desbourcant  argent  pour  ce  qu'ils  beuront  et  mangeront,  que  rien  ne  leur  soit  en  proye,  qu'ils  ne  cerchent  aucun  profit  ni  avantage,  mesmes  qu'ils  y  aillent  par  prieres,  combien  qu'ils  puissent  user  de  force:  cela  leur  pouvoit  causer  un  ennuy  nouveau.  Mais  d'autant  qu'ils  ont  este  domptez  par  beaucoup  d'afflictions,  il  se  rendent  plus  ployables,  comme  hier  il  en  fut  parle.  Et  en  cela  voyons-nous  quel  est  le  fruict  des  chastimens:  quand  Dieu  aura  abbatu  nostre  orgueil,  et  qu'il  nous  aura  apprins  de  porter  le  ioug,  nous  serons  comme  humiliez  pour  luy  obeir,  et  cela  ne  nous  coustera  point  beaucoup:  auparavant  nostre  col  estoit  si  revesche,  que  nous  ne  savions  que  c'estoit  de  nous  ranger  a  nulle  raison  ni  equite.  Voila  donc  un  item  que  nous  avons  a  noter:  c'est  que  Dieu  a  examine  ici  l'obeissance  de  son  peuple,  quand  il  a  deffendu  qu'il  ne  fist  point  la  guerre  aux  Ammonites,  ni  Moabites.  Or  ici  derechef  Moyse  allegue  la  raison  qui  fut  hier  exposee,  quand  nous  traitasmes  de  la  montagne  de  Seir,  et  du  pays  d'Idumee.  Il  dit:  Vous  ri  irriter  ez,  point  les  Moabites.  Pourquoy?  Dieu  ne  vous  donnera  point  leur  terre  pour  posseder:  comme  s'il  disoit:  II  ne  vous  est  point  licite  de  rien  attenter,  que  Dieu  ne  vous  advoue,  et  ne  le  vous  permette.  Or  est-il  ainsi  qu'il  ne  vous  fera  point  prosperer,  si  vous  assaillez  les  Moabites:  abstenezvous  en  donc.  Et  ainsi  notons  bien,  que  ceux  qui  font  la  guerre  a  tors  et  a  travers,  n'ayans  devant  les  yeux  que  leur  ambition  et  cupidite,  en  la  fin  seront  maudits  de  Dieu:  et  faudra  que  tous  leurs  appareil  viennent  en  confusion  et  ruine.  Vray  Calvini  opera.  Vol.  XXVI.