24:17  17  COMMENTARIUS  IN  EXODI  CAP.1  18  ipso  pugnae  fervore,  et  quia  nimis  pertinax  fuerat  defensio,  et  multos  ex  suis  amiserant,  quorum  volebant  mortem  ulcisci.  Contigit  ut  patruus  quoque,  vel  frater,  vel  tutor,  impia  regnandi  cupiditate  ad  puerorum  caedes  impellerentur.  Contigit  denique  in  odium  tyranni,  ut  ad  delendam  familiae  memoriam  tota  soboles  interempta  fuerit:  et  eo  saevitiae  quidam  progressi  sunt  contra  hostes  suos  ut  ex  uberibus  matrum  teneros  foetus  avellerent.  Sed  nunquam  ab  hoste  quantumvis  implacabili  ita  saevitum  fuit  contra  totam  unam  gentem,  ut  in  media  pace  foetus  omnes  masculos  exstingui  iusserit.  Haec  certe  fuit  tentatio  quae  summae  constantiae  viros  graviter  concutere  posset,  nedum  labefactare  debilem  populum,  quem  iam  vivere  taedebat.  Nam  primo  intuitu  putaret  quisque  illis  fuisse  utilius  et  magis  optabile,  subsidere  in  mediocri  vel  etiam  humili  statu,  quam  Dei  benedictione  provocari  in  eos  tantam  hostium  rabiem.  Ac  probabile  est,  qua  erant  animi  mollitie,  fuisse  non  tantum  graviter  perculsos,  sed  prope  obstupefactos.  Hoc  enim  solum  restabat,  ut  morientibus  viris  absque  spe  sobolis,  paulo  post  intercideret  nomen  et  genus  Abrahae,  atque  ita  omnes  Dei  promissiones  in  nihilum  reciderent.  Hodie  quia  nobis  similes  fere  insultus  sustinendi  sunt,  dum  obiicitur  nobis  desperatio,  ac  si  penitus  abolenda  mox  esset  ecclesia,  opponere  instar  firmi  clypei  hoc  exemplum  discamus:  non  esse  novum  si  propinquus  interitus  nobis  immineat,  donec  repente  et  ex  inopinato  appareat  in  rebus  extremis  coeleste  auxilium.  Iosephus  falso  existimat  obstetrices  fuisse  Aegyptias,  quae  ad  explorandum  missae  fuerint  :  quum  diserte  narret  Moses,  ministras  Hebraeis  mulieribus  et  adiutrices  fuisse  ad  pariendum.  Et  ex  toto  contextu  plane  refellitur  illa  divinatio,  praesertim  quia  retentae  fuerunt  Dei  timore,  ne  libidini  tyranni  morem  gererent.  Unde  sequitur  pietate  aliqua  fuisse  ante  imbutas.  Verum  alia  quaestio  exoritur,  quum  sit  verisimile  in  tanta  multitudine  multas  fuisse  obstetrices,  cur  duae  tantum  nominentur.  Duplex  afferri  potest  ratio,  vel  quod  duas  aggressus  sit  tyrannus,  quae  longius  spargerent  imperii  terrorem  :  vel  quod  clandestina  fraude  agere  instituens,  duorum  animos  tentaverit,  quarum  obsequio  si  potitus  esset,  alias  sperabat  eodem  facile  pertractum  iri.  Quominus  enim  palam  et  omnibus  promiscue  mandaret  obstitit  pudor.  17.  Timuerunt  Deum.  Non  intelligit  Moses,  tunc  primum  fuisse  Dei  timore  tactas,  sed  causam  assignat  cur  non  paruerint  iniusto  mandato,  quia  scilicet  pluris  apud  illas  fuit  vel  praevaluit  Dei  reverentia.  Et  certe,  ut  hoc  fraeno  optime  reguntur  omnes  nostri  affectus,  ita  et  aptissimus  est  ad  repellendas  omnes  tentationes  clypeus,  et  firma  animorum  fultura,  ne  in  periculis  vacillent.  Porro  facinus  hoc  exhorruerunt  non  solum  tanquam  Calvini  opera.  Vol.  XXIV.