19:17  17  1561  OCTOB.  18  pum  partem  probare  illam  et  imperatorem  non  concedere  pacem  nisi  Augustanae  confessioni  subscribentibus,  subscribunt  et  ipsi.  Haec  est  integritas  fidelium  scilicet.  Necesse  est  autem  ut  hic  invigiles  sedulo.  Vergerius  ille  quasi  de  re  confecta  gloriatur,  denique  de  sua  diligentia  industriaque  haec  confecta  stolide  arbitratur.  Sed  desino  occupatissimo  alias  negotia  augere.  Utinam  in  Gallia  inveniatur  vir  pius  et  doctus,  qui  scripto  modesto,  in  quo  principes  Germanos  non  attingat  odiosius,  rationes  proceribus  Galliae  exponat  cur  conveniat  abstinere  a  peregrinis  confessionibus  et  retinere  patriam.5)  Certissimum  est  de  missa,  de  coena,  de  confessione  et  absolutione  confessionem  Augustanam  non  esse  integram.  Et  nunc  omnes  Lutherani  conantur  illam  explicare  in  negotio  coenae  per  Apologiam,  sensumque  urgent  crassissimum,  contendentes  impios  ore  corporis  vorare  realiter  et  essentialiter  substantialem  Christi  carnem.  Consentiunt  ergo  papistis  et  cum  suo  Luthero  recipiunt  canonem  de  Consecr,  dist.  2.  Ego  Berengarius.  Taceo  nunc  quod  iniquo  tempore  confessio  illa  est  conscripta,  et  ab  his  qui  tunc  Caroli  potentiam  metuebant  et  satis  serviliter  se  submittebant  in  pluribus.  Nec  desunt  nunc  principes  qui  quaedam  correcta  mallent,  si  non  aliorum  multitudine  impedirentur.  Verum  haec  ipse  melius  novisti:  plura  ergo  nunc  non  addam.  Dominus  benedicat  tibi  et  servet  te  nobis  diu  incolumem.  Salutato  D.  Budaeum  et  Ionvillaeus,  et  symmystas  omnes.  Nostri  omnes  te  quoque  salutant,  inprimis  Gualtherus  frater  et  affinis  et  tres  generi  mei  Zvinglius,  Lavaterus  et  Simlerus.  Tiguri  5.  Octobris  1561.  Bullingerus  tuus.  Puto  Lituanum  illum  D.  Martinum6)  meas  tibi  literas  iam  tradidisse,  unde  exspecto  quid  ea  de  causa  rescribas  et  ut  Crucigeri  epistolam  remittas.  Nisi  tibi  molestum  esset,  cuperem  mihi  per  tuorum  aliquem  mitti  libellum  cui  inscriptio:  Impietas  Valentini  Gentilis  detecta  ete.7)  Referet  hic  noster  D.  Franciscus  Ramboletius8)  de  rebus  omnibus  nostris.  Diu  vixit  apud  Gualtherum.  Non  commendo  ipsum  tibi  quem  alias  amari  a  te  arbitror.  5)  Desiderium  hoc  omnino  supervacaneum.  Inter  Gallos  enim  nemo  de  recipienda  Augustana  cogitabat.  6)  Czechovicium  (N.  3539).  7)  Opp.  IX.  361  seqq.  8)  videtur  filius  fuisse  Iacobi  de  Bambotdllet  legati  de  quo  v.  N.  3298.