17:17  17  1558  IANUAE.  18  2792*  BEZA  FARELLO.  Transmittit  ei  varia  ad  res  Gallorum  pertinentia.  (Ex  autographo  Bibliothecae  pastorum  Neocomensium.  Edidit  Baum.  I.  512.)  8.  Mi  pater,  quidquid  habui  consilii  suggessi  miseris  fratribus,  *)  quod  tamen  si  sequantur,  spero  fore  ut  improbus  ille  in  foveam  cadat  quam  aliis  paravit,  si  modo  adhuc  illic  viget  ulla  aequitatis  species.  Quadratum2)  vide  ut  confirmes.  Spero  enim  ita  fore  temperatum  illorum  responsum,  si  modo  meis  monitis  obsequantur,  ut  sine  ulla  invidia  facile  possit  illorum  causam  suscipere.  Misereatur  ecclesiae  suae  Dominus  et  Satanae  conatus  infringat.  Cura  ut  literae  ad  eos  tempestive,  si  fieri  possit,  perveniant  et  tamen  tuto  reddantur,  quamvis  nemo  nostrum  praeter  unum  Georgium  nomen  adscripsit.  Mitto  ad  te  Tigurinorum  et  Bernensium  responsum.  3)  Hinc  facile  colliges  quid  sit  nobis  sperandum.  Sed  tamen  taciti  exspectabimus  quid  Argentinenses  sint  acturi.  Arguunt  me  unum  quasi  omnium,  ut  ipsi  putant,  malorum  autorem.  Tu  vero  quum  in  partem  culpae  venias  (cuius  tamen  culpae  me  nondum  poenitet),  cogita  etiam  quid  illis  respondendum  putes.  Deinde  remitte  ad  me  literas,  ut  habeam  quod  communi  nomine  respondeam.  Ita  enim  praestat,  quandoquidem  ad  me  unum  scripserint,  nisi  tibi  quoque  fortassis  aliquid.  De  legatione  Germanorum  principum  nihil  audio  *)  et  non  temere  metuo  ne  isti  regis  emissarii  omnia  everterint.  Interim  Lutetiae  fratres  pergunt  et  instaurant  ruinam.  Pulchre  succedit  opus,  sed  scribitur  plurimos  ex  captivis  iam  vacillare.  Angi  um  5)  conati  sunt  nonnulli  liberare  sed  re  patefacta  scribunt  in  arctiorem  carcerem  esse  retrusum.  Bantiniacam  aiunt,  quamvis  nullo  defectionis  signo  dato,  tamen  liberatam,  quod  vix  credo.  De  vestra  Marchissa6)  miri  rumores  sparguntur:  captam,  et  praeeunte  carnifice  traductam,  et  libros  aliquot  coram  ea  crematos.  Ego  mihi  persuasi  falsissima  haec  esse,7)  ideo  nihil  istis  moror.  Nostri  vero  legati  quid  egerint,  aut  potius  quid  non  egerint,  abunde  iam  pridem  cognovisti.  Longe  praestitisset  domi  2792.  1)  Videtur  loqui  de  Parisiensibus.  2)  olim  legatum  qui  de  persequutionibus  quereretur  {N.  2653.  2702).  3)  IV.  2778.  2783.  4)  Nulla  fint  cf.  epp.  d.  d.  19.  Nov.  1557  et  seqq.  5)  JY.  2799,  not.  9.  6)  Jaqueline  de  Bohan,  marquise  de  Bothelin,  Comtesse  de  Neuchatel  7)  ut  erant.  Calvini  opera.  Vol  XV  L