13:17  17  1548  IUL.  18  sane  non  magis  principe  viro  digna  quam  publico  regni  bono  utilis.  Nam  haec  demum  stabilis  est  regnorum  felicitas,  fidelisque  custodia,  si  is  in  quo  fundata  sunt  et  per  quem  servantur,  filius  Dei  illis  praesideat.  Itaque  melius  rem  anglicanam  stabilire  non  poteras  quam  profligatis  idolis  purum  ibi  Dei  cultum  erigendo.  Nam  id  fieri  non  potest,  quin  restituatur  genuina  pietatis  doctrina,  quae  sacrilega  Antichristi  Romani  tyrannide  nimis  diu  oppressa  iacuit.  Quod  est  Christum  in  suo  tribunali  collocare.  Atque  hoc  eximium  alioqui  facinus  eo  maiori  laude  propterea  dignum  est,  quo  pauciores  hodie  inter  eos  qui  gubernacula  tenent  reperiuntur  qui  principatus  sui  insignia  spirituali  Christi  sceptro  submittant.  Praeclare  igitur  serenissimo  Regi  consultum  est,  cuius  pueritiae  talis  ex  sua  cognatione  obtigit  moderator.  Nam  tametsi  indolem  eius  inprimis  generosam  omnes  praedicant,  tamen  et  formandis  ad  virilem  constantiam  eius  moribus  et  constituendae  anglicanae  ecclesiae,  dum  aetas  ipsum  non  patitur  has  obire  vices,  talis  artifex  erat  plus  quam  necessarius.  Nec  dubito  quin  ipse  iam  nunc  agnoscat,  divinitus  te  sibi  datum  esse,  ex  cuius  manu  res  ex  voto  compositas  paulo  post  reciperet.  Me  vero  nec  tanta  locorum  distantia  nec  conditionis  meae  humilitas  impedire  potuit  quominus  praestantissimum  hunc  propagandae  Christi  gloriae  affectum  tibi  gratularer.  Et  sane,  quum  me  unum  ex  iis  esse  voluerit  Deus,  quorum  opera  laboreque  sinceriorem  evangelii  doctrinam  hodie  mundo  restituit,  cur  non  te  quoque  singulari  Dei  beneficio  eiusdem  doctrinae  patronum  ac  vindicem  ordinatum,  qualicunque  locorum  intervallo  sim  abs  te  dissitus,  qua  possum  observantia  prosequar?  Et  quoniam  non  aliud  huius  rei  testimonium  reddere  licebat,  saltem  arrhae  loco  hos  in  duas  Pauli  epistolas  meos  commentarios  tibi  offerendos  esse  putavi.  Nec  vero  fortuitum  munus  quod  offerrem  arripui  :  sed  iudicio  elegi  quod  videbatur  optime  convenire.  Hic  Timotheum  suum  admonet  Paulus  quali  doctrinae  genere  aedificanda  sit  ecclesia  Dei,  quibus  et  vitiis  et  hostibus  resistendum,  quam  multa  devoranda  taedia:  hortatur,  ne  ullis  difficultatibus  cedat,  ut  omnia  discrimina  animi  fortitudine  superet,  ut  improborum  proterviam  autoritate  coerceat,  ne  quid  hominum  gratiae  ambitiose  largiatur.  Denique  in  his  duabus  epistolis  quasi  in  viva  tabula  depictum  habemus  verum  ecclesiae  regimen.  Tu,  quum  instaurandae  ecclesiae  anglicanae,  ut  simul  ex  confiscatis  bonis  ecclesiarum  et  monasteriorum  sibi  suisque  satis  amplam  partem  praeriperet  Ipsi  eius  palatio  {Somerset-house)  exstruendo  septem  aedificia  ecclesiastica,  inter  quae  duae  ecclesiae  maiores  totidemque  minores,  materiam  suppeditarunt  Calvini  opera.  Vol.  XIII.