11:17  1540  FEBRUAR.  hortatus  sum.  Ex  eo  potes  omnia  intelligere,  quae  me  fovent,  quae  angunt.  Si  commendatione  apud  te  esset  opus,  commendarem  studiosius:  siquidem  et  aegro  et  utcunque  restituto  mihi  ministravit  non  improbe,  potissimum  si  affectum  quis  intueatur.  Omnes  salutabis  quam  officiosissime,  Capitonem,  et  inprimis  Bucerum,  Hedionem,  Bedrotum,  et  nunquam  praetereundum  Sturmium.  Gallos  omnes  saluta  plurimum,  quos  in  Domino  cupio  pergere  ut  per  eos  Christi  gloria  illustretur.  Quam  te  cupiant  omnes  fratres  salvum,  malo  te  ut  potes  apud  te  reputare,  quam  possim  frigide  indicare.  Thomas  praecipue,  Capunculus,  Michael  uterque  et  totis  votis  Capitonem  et  Bucerum  cum  aliis  symmystis,  quibus  optant  arctissimo  nexu  perpetuo  iniunctos  se  perdurare.  Non  possum  non  addere  Fatonum  cum  Cunero.  Utinam  sic  possem  ipsorum  affectum  exprimere  ut  ardenter  optant  vobis  omnia  in  Domino  felicia.  Vale,  nec  patere  aliquid  de  pio  fratrum  affectu  labefactari  in  te  et  fratres,  ob  scriptionem  hanc  tam  miseram.  Omnia  eram  laceraturus,  nisi  apud  te  reputarem  tantum  mihi  licere,  ac  sperarem  te  misere  ac  improvide  scripta  feliciter  ac  prudenter  redditurum,  additis  quae  desunt,  suppressis  quae  item  oportet.  Praeterea  cum  istis  agitur  quos  satis  novi  plus  in  me  intueri  quid  velim  quam  quid  dicam.  Vale  iterum,  ac  omnes  tecum.  Neocomi,  6.  Febr.  1540.  Tuus  totus  Farellus.  MELANCHTHON  CALVINO.  Commendae  ei  Italum  quendam  olim  sacerdotem  in  Sabaudiam  proficiscentem.  (Ex  autographo  bibi.  nation.  Paris.  Collect.  Dupuy  Cod.  268,  fol.  7,  Bretschneiderus  non  habet.)  Egregia  doctrina  et  pietate  praedito  D.  Calvino  amico  suo  carissimo.  Argentinae.  8.  D.  Hic  tabellarius  Senensem  se  esse  ait,  et  fuisse  sacrificulum,  et  venisse  in  periculum  propterea  quod  quaedam  liberius  dixerit  adversus  pontificum  et  sacerdotum  luxum.  Apud  nos  sano  modeste  vixit.  Nunc  cupit  proficisci  in  Sabaudiam,  ubi  sperat  se  plus  posse  proficere,  aut  fortassis  etiam  servire  ecclesiis.  Rogo  igitur  te  ut  eum  Sabaudiensibus  commendes.  Degustavi  multa  italica  ingenia.  Sed  si  possumus  beneficiamus  aliquibus.  Te  ex  animo  amo  et  precor  Christum  ut  te  gubernet.  Spero  Bucerum  et  nos  brevi  in  conventu  Smalcaldensi  una  futuros  esse.  Habeo  apud  me  hospitem  Gallum  Calvini  opera.  Vol.  XI.