9:169  169  AD  WESTPHALUM.  170  expedient:  quia  tunc  in  Pharisaeos  sermonem  Christus  stringebat.  Qua  fronte  tantam  insulsitatem  mundo  obtrudere  ausus  es,  ex  qua  palam  fieret  te  superbissimo  fastu  contemnere  omnium  iudicia?  Nam  si  farraginis  tuae  lectores  putasti  communi  sensu  esse  praeditos,  ita  certe  eos  ratiocinari  necesse  est,  vel  falsum  esse  quod  tradit  Augustinus,  vel  non  ubique  latere  diffusum  Christi  corpus  qualiter  tu  somnias.  Iterum  repetam,  bi  perpetuo  verum  est  quod  tradit  Augustinus,  absque  loci  spatio  nullum  fore  Christi  corpus,  ideoque  coelo  comprehendi  propter  veri  corporis  modum:  non  occupabit  certe  mille  loca  in  terris,  ac  multo  minus  sine  aliqua  locorum  circumferentia  ubique  erit.  Quomodo  igitur  stabit  illa  quam  tam  secure  asseris,  ubiquitas?  Adiungit  postea  Ioachimus,  non  alio  tendere  Augustinum,  nisi  ut  doceat  Christi  corpus  [pag.  84]  esse  in  coelo:  nos  alio  tendere  ut  negemus  ef≫se  in  eucharistia.  Quam  ferrea  ista  est  improbitas,  velle  frivolo  mendacio  rem  adeo  manifestam  delere?  Clare  docet  Augustinus,  non  alibi  quam  in  coelo  esse  Christum  quatenus  homo  est,  et  falso  putari  secundum  carnem  ubique  esse  diffusum,  cui  naturam  minime  abstulit.  Nos  ergo  quum  totidem  verbis  ac  syllabis  idem  docemus,  quis  dicet  in  diversum  scopum  tendere?  Hoc  Augustinum  agere  Westphalus  dicit,  ne  tollatur  humanae  naturae  veritas.  Nempe  quia  nunquam  putasset  Augustinus  de  carnis  praesentia  qualem  excogitarunt  sophistae,  exoriturum  esse  tale  portentum,  vero  et  genuino  verborum  Christi  sensu  contentus,  fatuas  illas  speculationes  non  attigit.  Nam  quod  subiicit  Ioachimus,  non  tolli  veritatem  humanae  naturae,  si  distribuitur  corpus  Christi  in  coena,  vanissimum  esse  apparet.  Haec  enim  est  veritas,  Augustino  teste,  ut  Christi  corpus  [pag.  85]  aliquis  coeli  locus  comprehendat.  Nimis  vero  obliviosus  est  Westphalus,  qui  quum  nuper  tantopere  detestatus  sit  physicam  hanc  rationem,  nunc  eam  se  amplecti  simulat.  Si  ex  me  audiret  quod  coactus  est  ex  Augustino  referre,  clamaret  immane  esse  sacrilegium.  Nunc  quia  sibi  proposuit  Augustinum  quoquo  modo  in  partes  suas  trahere,  modo  a  se  derivet  repugnantiae  speciem,  in  omnia  se  transformat.  Sed  omissis  ambagibus  semel  statuendum  est  tollaturne  vera  carnis  natura,  si  pluribus  in  locis  simul  esse  credatur,  imo  nullum  locum  occupare.  Secure  negat  Westphalus.  Quid  pronunciet  Augustinus,  cum  lectorum  fastidio  repetere  nihil  attinet.  Adde  quod  mox  arreptitius  *)  hic  homo  stylum  commutans  excusat  non  prorsus  tolli,  hoc  est,  aboleri  humanam  Christi  naturam,  dum  totum  mundum  occupat  eius  caro:  quia  integra  et  illaesa  in  coelo  manet.  Nempe  sicuti  dum  pro-  1)  ce  povre  homme  transporte.