6:169  EPISTRE  AU  LECTEUR.  170  que  chant.  Et  n'est  pas  chose  inventee  depuis  peu  de  temps.  Oar  des  la  premiere  origine  de  l'Eglise  cela  a  este,  comme  il  appert  par  les  histoires.  Et  mesmes  sainct  Paul  ne  parle  pas  seulement  de  prier  de  bouche,  mais  aussi  de  chanter.  Et  a  la  verite,  nous  congnoissons  par  experience,  que  le  chant  a  grand  force  et  vigueur  d'esmouvoir  et  enflamber  le  coeur  des  hommes,  pour  invoquer  et  louer  Dieu  d'un  zele  plus  vehement  et  ardent.  Il  y  a  tousiours  a  regarder,  que  le  chant  ne  soit  pas  legier  et  volage:  mais  ait  pois  et  maieste,  comme  dit  sainct  Augustin.  Et  ainsi  il  y  ait  grande  difference  entre  la  musicque  qu'on  faict  pour  resiouyr  les  hommes  a  table  et  en  leur  maison:  et  entre  les  psalmes,  qui  se  chantent  en  l'Eglise,  en  la  presence  de  Dieu  et  de  ses  anges.'  Or  quand  on  vouldra  droictement  iuger  de  la  forme  qui  est  icy  exposee;  nous  esperons  qu'on  la  trouvera  saincte  et  pure:  veu  qu'elle  est  simplement  reiglee  a  l'edification,  dont  nous  avons  parle,l)  combien  que  Vusaige  de  la  chanterie  s'estende  plus  loing.  Cest  que  mesme  par  les  maisons  et  par  les  champs  ce  nous  soif  une  incitation  et  comme  un  organe  a  louer  Dieu,  et  eslever  noz  cueur  s  a  luy  pour  nous  consoler,  en  meditant  sa  vertu,  honte,  sagesse  et  iustice.  Ce  qui  est  plus  necessaire  qu'on  ne  scauroit  dire.  Four  le  premier,  ce  n'est  pas  sans  cause  que  le  Sainct  Esprit  nous  exhorte  si  soigneusement  par  les  sainctes  escritures,  de  nous  resiouyr  en  Dieu,  et  que  toute  nostre  ioye  soit  la  reduite,  comme  a  sa  vraye  fin.  Car  il  congnoist  combien  nous  sommes  enclins  a  nous  resiouyr  en  vanite.  Tout  ainsi  donques  que  nostre  nature  nous  tire  et  induit  a  cercher  tous  moyens  de  resiouyssance  folle  et  vicieuse:  aussi  au  contraire,  nostre  Seigneur,  pour  nous  distraire  et  retirer  des  allechemens  de  la  chair  et  du  monde,  nous  presente  tous  moyens  qu'il  est  possible,  afin  de  nous  occuper  en  ceste  ioye  spirituelle  laquelle  il  nous  recommande  tant.  Or  entre  les  autres  choses,  qui  sont  propres  pour  recreer  Vhomme  et  luy  donner  volupte,  la  Musicque  est,  ou  la  premiere,  ou  i  une  des  principalles:  et  nous  faut  estimer  que  c'est  un  don  de  Dieu  depute  a  cest  usaige.  Parquoy,  d'autant  plus  devons  nous  regarder  de  n'en  point  abuser,  de  peur  de  la  souiiler  et  contaminer,  la  convertissant  en  nostre  condamnation  ou  elle  estoit  desdiee  a  nostre  proffit  et  salut  Quand  il  n'y  auroit  autre  consideration  que  ceste  seule,  si  nous  doit  elle  bien  esmouvoir  a  moderer  l'usage  de  la  musicque,  pour  la  faire  servir  a  toute  honnestete  et  qu'elle  ne  soit  point  occasion  de  nous  lascher  la  bride  a  dissolution,  ou  de  nous  effeminer  en  delices  desordonnees,  et  qu'elle  ne  soit  point  instrument  de  la  paillardise  ne  d'aucune  impudicis  e.  Mais  encore  y  a  il  d'avantage.  Car  a  grand  peine  y  a  il  en  ce  monde  qui  puisse  plus  tourner  ou  flechir  ca  et  la  les  meurs  des  hommes,  comme  Plato  l'a  prudemment  consydere.  Et  de  fait  nous  experimentons  qu'elle  a  une  vertu  secrette  et  quasi  incredible  a  esmouvoir  les  cueurs  en  une  sorte,  ou  en  l'autre.  Parquoy  nous  devons  estre  d'autant  plus  diligens  a  la  reigler,  en  telle  sorte  qu'elle  nous  soit  utile  et  nullement  pernicieuse.  Pour  ceste  cause,  les  Docteurs  anciens  de  l'Eglise  se  complaignent  souventesfois  de  ce  que  le  peuple  de  leur  temps  estoit  addonne  a  chansons  deshonnestes  et  impudiques,  lesquelles  non  sans  cause  His  estiment  et  appellent  poison  mortelle  et  Satanique  pour  corrompre  le  monde.  Or  en  parlant  maintenant  de  la  Musicque,  ie  comprens  deux  parties,  ascavoir  la  lettre,  ou  subiect  et  matiere.  Secondement  le  chant,  ou  la  melodie.  Il  est  vray  que  toute  parolle  mauvaise  (comme  dit  sainct  Paul)  pervertit  les  bonnes  meurs,  mais  quand  la  melodie  est  avec,  cela  transperce  beaucoup  plus  fort  le  cueur  et  entre  au  dedans  tellement  que  comme  par  un  entonnoir  le  vin  est  iecte  dedans  le  vaisseau,  aussi  le  venin  et  la  corruption  est  distille  iusques  au  profond  du  cueur,  parla  melodie.  Or  qu'est-il  doncq  question  de  faire?  c'est  d'avoir  chansons  non  seulement  honnestes,  mais  aussi  sainctes:  lesquelles  nous  soyent  comme  esguillons  pour  nous  inciter  a  prier  et  louer  Dieu,  a  mediter  ses  oeuvres,  afin  de  l'aymer,  craindre,  honnorer  et  glorifier.  Or  ce  que  dit  S.  Augustin  est  vray,  que  1)  Cest  ici  que  se  termine  la  preface  dans  la  premiere  editicn.  Ce  qui  suit  ne  se  trouve  que  dans  celle  de  1545  et  dans  les  editions  du  Psautier.