55:169  169  EPIST.  AD  HEBRAEOS  170  clesiae  persequutiones:  et  hae  quidem  non  unius  aut  alterius  anni,  sed  quae  ab  avis  usque  ad  nepotes  interdum  grassatae  sunt.  Quare  nihil  mirum  si  iisdem  hodie  experimentis  fidem  nostram  probare  Deo  placeat:  nec  cogitandum  est  nos  ab  eo  deseri,  cui  scimus  fuisse  curae  sanctos  patres  qui  eadem  ante  nos  passi  sunt.  38.  Quibus  mundus  non  erat  dignus.  Quum  ita  profugi  inter  feras  vagabantur  sancti  prophetae,  videri  poterant  indigni  quos  terra  sustineret.  Qui  fit  enim  ut  inter  homines  locum  non  inveniant?  Sed  apostolus  in  contrariam  partem  hoc  retorquet:  nempe  quod  mundus  illis  non  esset  dignus.  Nam  quocunque  veniant  servi  Dei,  eius  benedictionem,  quasi  fragrantiam  boni  odoris,  secum  afferunt.  Sic  domus  Putiphar  benedicta  fuit  in  gratiam  Ioseph:  et  Sodoma  salva  futura  erat,  si  in  ea  inventi  fuissent  decem  iusti  homines.  Utcunque  ergo  mundus  servos  Dei  quasi  excrementa  a  se  proiiciat:  hoc  tamen  inter  eius  poenas  deputandum  est,  quod  illos  ferre  non  potest:  quia  simul  cum  illis  resideret  aliqua  Dei  benedictio.  Proinde  quoties  e  medio  tolluntur  iusti,  sciamus  totidem  adversa  nobis  esse  praesagia:  quoniam  indigni  simus  eorum  conturbernio,  ne  simul  nobiscum  pereant.  Interea  habent  pii  amplam  consolationis  materiam,  si  eos  mundus  quasi  catharmata  eiiciat,  quando  vident  idem  accidisse  prophetis,  qui  in  feris  animalibus  plus  experti  sunt  clementiae  quam  in  hominibus  ipsis.  Hac  se  cogitatione  erexit  Hilarius,  quum  videret  a  sanguinariis  tyrannis  occupari  ecclesiam,  qui  tunc  imperatorem  romanum,  velut  carnificem,  in  manu  habebant.  Tunc  inquam  sanctus  vir  memoria  repetebat  quae  hic  de  prophetis  recitat  apostolus.  Montes  et  sylvae,  dicebat,  et  lacus  et  carceres  mihi  tutiores  sunt  quam  magnus  templorum  splendor:  nam  in  illis  prophetae  aut  manentes,  aut  demersi,  Dei  spiritu  prophetabant.  Sic  etiam  nos  animatos  esse  coDvenit,  ut  mundum  intrepide  spernamus,  et  si  nos  evomat,  sciamus  nos  ab  exitiali  gurgite  exire,  Deumque  ita  prospicere  nostrae  saluti,  ne  eodem  mergamur  exitio.  39.  Et  hi  omnes.  Argumentum  est  a  minori  ad  maius.  Nam  si  illi  quibus  nondum  tanta  lux  gratiae  affulserat,  tanta  constantia  in  malis  tolerandis  excelluerunt:  quid  efficere  in  nobis  debet  plenus  evangelii  fulgor?  Illos  exigua  lucis  scintilla  in  coelum  duxit:  quum  sol  iustitiae  nobis  luceat,  quo  nos  praetextu  excusabimus  si  haereamus  adhuc  in  terra?  Haec  est  genuina  mens  apostoli.  Scio  Chrysostomum  et  alios  quosdam  secus  exponere:  sed  orationis  contextus  facile  ostendit,  hic  notari  gratiae  discrimen  qua  Deus  sub  lege  prosequutus  est  fideles,  et  qua  nos  hodie  dignatur.  Nam  quum  uberior  in  nos  effusa  sit  gratia,  minus  esse  in  nobis  fidei  valde  absurdum  esset.  Dicit  ergo,  patres  illos