50:169  169  EPIST.  PAULI  AD  GALATAS  CAPUT  I.  170  pseudoapostolos  antithesis,  non  repugno:  quia  illi  hominum  nomine  gloriabatur.  Ita  perinde  erit  ao  si  diceret:  A  quibuscunque  missos  se  fuisse  iactent,  ego  sane  ero  superior,  qui  mandatum  habeo  a  Deo  et  Christo.  Per  Iesum  Christum  et  Deum.  Deum  patrem  et  Christum  facit  autores  sui  apostolatus.  Christum  prius  nominat,  quia  eius  est  mittere,  et  pro  ipso  legatione  fungimur.  Verum  amplificationis  causa  addit  etiam  patrem  :  ac  si  diceret  :  Si  cui  non  sufficit  maiestas  Christi,  sciat  etiam,  a  Deo  patre  iniunctum  mibi  esse  munus.  Qui  suscitavit  illum.  Non  abs  re  mentionem  resurrectionis  facit  hoc  loco.  Est  enim  regni  Christi  initium.  Inde  autem  vilipendebant  Paulum,  quod  non  fuisset  in  terris  cum  Christo  versatus.  Contra  significat,  Christum,  sicuti  per  resurrectionem  glorificatus  est,  ita  vere  demum  exseruisse  potentiam  suam  in  regenda  ecclesia.  Ergo  plus  dignitatis  habet  Pauli  vocatio  quam  si  a  Christo  adhuc  mortali  fuisset  ordinatus.  Atque  haec  circumstantia  notatu  digna  est:  quia  subindicat  Paulus,  admirabilem  Dei  .potentiam,  quae  in  Christi  resurrectione  apparuit,  a  suis  obtrectatoribus  maligne  oppugnari,  quia  coelestis  pater,  qui  Christum  a  morte  excitavit,  idem  Paulum  constituit  illius  suae  virtutis  praeconem.  2.  Et  qui  mecum  sunt  fratres.  Videtur  communiter  scripsisse  multorum  nomine:  ut  si  uni  minus  tribuerent,  at  saltem  audirent  plures,  nec  spernerent  totam  congregationem.  Solet  enim  potius  circa  finem  adscribere  salutem  a  fratribus  quam  eos  sibi  tanquam  scriptionis  socios  initio  adiungere.  Saltem  non  plures  duobus  usquam  nominat,  eosque  notos.  Hic  vero  secus:  nam  omnes  simul  complectitur.  Quod  non  puto  sine  causa  factum.  Debuit  autem  tot  piorum  consensus  aliquid  saltem  valere  apud  Galatas,  ut  magis  dociles  ac  mansuetos  redderet  Ecclesiis.  Erat  ampla  regio,  ideo  plures  habuit  dispersas  ecclesias.  Sed  mirum  est  hunc  titulum  concedi  Galatis,  qui  propemodum  a  Christo  desciverant.  Ubi  enim  ecclesia,  ibi  fidei  unitas.  Respondeo,  quum  illic  esset  professio  christianismi,  quum  esset  unius  Dei  invocatio,  sacramentorum  usus  et  qualecunque  ministerium,  superfuisse  adhuc  ecclesiae  insignia.  Non  igitur  semper  ea  exstat  in  ecclesiis  puritas,  quae  desiderari  possit.  Quae  purissimae  sunt,  suos  tamen  naevos  habent:  aliae  non  tantum  maculis  sunt  adspersae,  sed  fere  deformatae.  Non  igitur  adeo  nos  offendi  doctrinae  et  morum  vitiis  convenit,  ut  si  non  omnia  arrident  in  quovis  coetu,  protinus  ecclesiae  nomen  detrahamus.  Longe  aliam  mansuetudinem  nos  hic  Paulus  docet.  Interea  tamen  sic  agnoscendi  sunt  pro  Christi  ecclesiis  coetus  qui  vitiis  laborant,  ut  quidquid  est  in  illis  mali,  nihilominus  damnemus.  Neque  enim  ubi  est  qualiscunque  ecclesia,  illic  est  eorum  omnium  perfectio,