42:169  169  SUR  LE  XII  CHAP.  DE  DANIEL.  170  frappe,  c'est  a  dire,  que  nous  sachions  que  les  afflictions  et  miseres,  et  calamites,  n'adviennent  pas  sans  la  volonte  de  Dieu,  sans  sa  providence  et  conseil,  voila  pour  le  premier,  que  nous  disions  avec  Iob,  c'est  le  Seigneur,  avec  David,  Seigneur,  tu  Tas  fait,  avec  Ezechias,  A  qui  me  plaindrai-ie,  Seigneur,  sinon  a  toy,  comme  a  mon  iuge?  voila  donc  comme  il  nous  faut  ietter  nostre  regard  sur  Dieu,  que  nous  n'imaginions  point  des  fortunes,  des  adventures,  comme  nous  avons  accoustume,  que  nous  ne  regardions  point  aux  hommes,  ni  aux  causes  inferieures,  mais  que  nous  regardions  droit  a  nostre  Dieu.  Voila  pour  le  premier,  mais  encores  n'est-ce  pas  tout,  car  quand  nous  connoistrone,  voila  Dieu  qui  nous  frappe,  et  que  nous  ne  scaurions  pas  pourquoy,  nous  demourerions  la  roogeans  nostre  frain,  mais  notons  quand  Dieu  nous  frappe,  que  c'est  pour  nostre  salut,  il  nous  veut  mortifier  quant  au  monde,  il  ne  veut  point  souffrir  que  nous  demourions  ici  envelopee,  mais  il  nous  veut  reduire  a  soy,  voila  (di-ie)  qu'il  nous  faut  connoistre  des  afflictions  que  Dieu  nous  envoie,  et  comme  il  nous  les  faut  appliquer  a  nostre  instruction.  Or  au  contraire,  que  feront  les  meschans?  Ils  diront  bien  quelquefois,  c'est  Dieu,  c'est  Dieu,  mais  ce  n'est  pas  qu'ils  y  pensent,  ne  qu'ils  regardent  a  luy,  plustost  ils  se  viennent  eslever  a  l'encontre  de  sa  maieste,  et  le  voudroient  arracher  de  son  siege,  s'il  leur  estoit  possible,  il  est  vray  quand  ils  voient  qu'ils  ne  peuvent  mettre  remede  a  leurs  maux,  ils  crieront  bien,  helas!  et  connoistront  que  c'est  Dieu  qui  les  frappe,  mais  c'est  a  la  facon  de  Saul,  et  bieo,  Dieu  est  maistre,  qu'il  face  ce  qu'il  voudra,  quand  ils  voient  qu'ils  n'en  peuvent  plus,  ils  sont  la  comme  des  chevaux  retifs,  se  despitans  en  eux-mesmes:  et  ainsi  nous  voions  que  l'esprit  de  Dieu  les  condemne  ici  comme  gens  insenses,  et  despourveus  de  raison.  Apprenons  donc  de  venir  a  cette  prudence,  c'est  a  scavoir,  de  faire  nostre  profit  de  la  discipline  que  Dieu  nous  envoie,  et  que  nous  en  soions  tellement  blanchis  et  nettoies,  qu'il  nous  reconnoisse  une  fois  pour  siens  en  son  royaume  celeste.  Or  cependant  il  est  vray  que  non  seulement  les  meschans  n'entendront  rien  pour  recevoir  correction  et  amendement  des  afflictions,  mais  qu'ils  heurteront  des  cornes  a  l'encontre  de  Dieu,  mais  encores  voici  une  reprobation  plus  grande,  quand  il  est  dit  qu'ils  empireront,  et  qu'ils  iront  tousiours  de  mal  en  pis,  et  voila  pourquoy  aussi  sainct  Paul  dit  que  les  meschans  s'avanceront  de  plus  en  plus.  Or  il  faloit  bien  que  sainct  Paul  feist  une  telle  admonition,  pour  ce  que  c'estoit  une  chose  estrange  que  Dieu  ne  reprimoit  point  les  meschans,  quand  ils  venoient  ainsi  batailler  contre  sa  verite,  et  qu'ils  tourmentoient  son  Eglise,  cependant  ils  avoient  la  vogue,