29:169  169  SUR  LE  DEUTER.  CHAP.  XXXIII.  170  pain  et  du  vin:  et  pourquoy  est-ce  que  nostre  Seigneur  Iesus  Christ,  qui  est  l'image  vive  de  Dieu  son  Pere,  auquel  habite  toute  plenitude  de  Divinite,  pourquoy  est-ce  qu'il  se  declare  a  nous  en  des  choses  corruptibles,  et  en  ces  elemens  du  monde?  C'est  a  cause  de  nostre  infirmite,  voyant  que  nous  ne  pouvons  pas  parvenir  a  sa  vertu  spirituelle.  Voila  pourquoy  il  nous  figure  ses  graces  sous  les  elemens  visibles:  et  mesmes  ici  nous  devons  contempler  la  vertu  celeste  de  son  sainct  Esprit.  Voila  donc  la  seconde  facon  que  Dieu  tient,  quand  il  se  irevele  a*  nous,  laquelle  est  propre  pour  nostre  rudesse.  Or  nous  voyons  qu'il  s'est  declare  aux  peres  anciens  sous  quelques  figures:  comme  quand  il  a  parle  a  Iacob  en  Bethel,  c'a  este  pource  que  Iacob  avoit  besoin  d'une  telle  confirmation.  Il  est  vray  qu'il  n'a  pas  laisse  d'adorer  tousiours  Dieu,  le  contemplant  par  dessus  les  cieux:  mais  tant  y  a  qu'il  a  eu  encores  un  accez  plus  prive,  lors  que  Dieu  estoit  condescendu  si  bas.  Et  voila  pourquoy  aussi  Iacob,  quand  il  doit  partir  d'un  lieu  a  l'autre,  il  sacrifie  au  Dieu  de  Bethel.  Comment  au  Dieu  de  Bethel?  Et  y  a-il  un  Dieu  qui  soit  enclos  la?  ��iar  nous  voyons  mesmes  que  ceux  qui  ont  voulu  faire  un  Dieu  en  Bethel,  c'est  a*  dire,  qui  ont  voulu  la  dresser  un  temple,  et  y  ont  fait  les  sacrifices,  qu'ils  ont  este  abominables:  et  Dieu  dit  que  c'est  Beth-aven,  le  lieu  d'iniquite,  que  ce  n'est  plus  sa  maison,  il  y  renonce,  il  desadvoue  tout,  voire  pource  que  ceux-la  abusoyent  de  la  revelation  qui  avoit  este  donnee  a  leur  pere  Iacob.  Mais  luy  il  en  savoit  faire  son  profit:  car  il  cognoissoit  que  Dieu  n'a  point  change  de  nature,  qu'il  ne  veut  point  estre  enclos  en  un  lieu  certain:  mais  cepeudaot  qu'il  le  veut  attirer  familierement  a  luy.  iacob  donc  recoit  ce  gage-la  qui  luy  est  donne1,  afin  qu'on  sache  qu'il  n'adore  point  quelque  Dieu*  a  l'aventure,  comme  faisoyent  les  Payens:  mais  que  sa  foy  est  certaine  et  infallible.  Voila  deno  pourquoy  il  est  fait  mention  expresse  que  Iacob  a  adore  le  Dieu  de  Bethel,  c'est  a  dire,  le  Dieu  qui  iae  luy  estoit  pas  incogneu,  ce  n'estoit  pas  un  Dieu  forge  a  la  teste  des  hommes  mortels,  un  Dieu  de  euider  et  d'opinion:  mais  c'estoit  un  Dieu  de  pleine  certitude,  pource  qu'il  avoit  la  verite  qui  luy  estoit  toute  asseuree.  Ainsi  maintenant  en  est-il  de  Moyse.  Il  dit:  Le  Dieu  qui  s'est  revele  a  moy  au  buisson,  que  celuy-la  monstre  sa  faveur  sur  la  lignee  de  Ioseph.  Moyse  parlant  ainsi,  proteste  qu'il  ne  met  point  ici  une  idole  qui  a  este  forgee  depuis  quelque  temps,  qu'il  n'apporte  pas  Ies  superstitions  des  Payens  et  incredules,  et  de  tous  idolatres  :  comme  nous  voyons  les  Papistes  et  les  Turcs  qui  parleront  assez  de  Dieu,  mais  cependant  il  n'y  a  nulle  asseurance,  il  n'y  a  qu'un  cuider  en  toutes  ces  sottises,  et  en  toutes  ces  singeries,  qui  sont  fondees  sur  leur  bonne