27:169  169  SUR  LE  DEUTER.  CHAP.  XII.  170  Et  pourquoy?  Afin  que  la  parolle  de  Dieu  nous  soit  preschee,  que  nous  facions  prieres  communes  comme  d'une  bouche,  que  nous  confessions  nostre  foy,  et  nostre  Chrestiente  ensemble,  que  les  Sacremens  aussi  s'administrent  en  ia  compagnie  des  fideles.  Puis  que  nostre  Seigneur  nous  donne  tels  moyens,  il  nous  y  faut  exercer.  Car  quiconques  les  mesprise,  celuy-la  se  mocque  pleinement  de  Dieu.  Notons  bien  donc  que  tout  ce  que  nostre  Seigneur  a  institue  pour  nostre  usage,  il  nous  le  faut  recevoir,  et  nous  faut  estre  diligens  a  confermer  nostre  foy  tousiours  de  plus  en  plus.  Car  si  ie  cuide  estre  si  parfait,  que  ie  me  passe  de  venir  au  temple,  de  profiter  avec  les  autres,  voila  une  arrogance  diabolique  :  il  vaudroit  mieux  que  ie  fusse  quelque  povre  maraut,  que  ie  n'eusse  ni  esprit  ni  sens  (et  cependant  que  ie  cogneusse  ma  povrete)  que  de  cuider  estre  si  haut:  car  c'est  pour  me  ietter  au  profond  des  enfers,  quand  ie  me  veux  exempter  de  l'ordre  commun.  Et  ainsi  quiconques  a  zele  et  affection  de  servir  a  Dieu,  qu'il  face  ce  qu'il  a  ici  commande,  de  chercher  le  lieu  que  Dieu  ordonne,  c'est  a  dire,  de  ne  rien  mespriser  de  ce  qu'il  a  institue  pour  confirmation  de  nostre  foy.  Voila  pour  un  item.  Au  reste,  que  nous  sachions  tousiours,  quand  Dieu  voudra  mettre  son  nom  au  milieu  de  nous,  qu'il  ne  nous  le  faut  point  toutesfois  servir  a  nostre  guise,  et  selon  nostre  rudesse:  car  son  service  demeure  tousiours  spirituel,  et  faut  que  ce  qu'il  nous  monstre  ici  bas  nous  tire  la  haut  au  ciel.  Et  en  ceci  voit-on  comme  le  povre  monde  a  este  seduit.  Car  le  plus  grand  privilege  que  nostre  Seigneur  Iesus  Christ  nous  ait  laisse  de  sa  presence,  nous  l'avons  en  sa  saincte  Cene:  la  il  se  met  quasi  entre  nos  mains,  et  veut  estre  incorpore  en  nous:  tout  ainsi  que  le  pain  et  le  vin  ont  une  mesme  substance,  quand  nous  les  avons  mangez,  et  que  nous  en  tirons  nourriture,  le  Fils  de  Dieu  se  declaire  aussi  privement  a  nous.  Or  cependant  ce  n'est  pas  qu'il  nous  faille  imaginer  qu'il  soit  descendu  du  ciel,  et  que  nous  le  manions  ici  entre  nos  pattes,  ou  qu'il  soit  enclos  en  un  lieu  certain.  Nenni:  mais  il  descend  a  nous  afin  de  nous  attirer  a  soy  en  haut.  Quand  donc  nous.  recevons  la  Cene,  contentonsnous  que  nous  avons  la  une  bonne  arre,  et  seure  de  la  grace  de  nostre  Seigneur  Iesus  Christ,  que  nous  sommes  certains  qu'il  habite  en  nous,  et  que  nous  sommes  unis  a  luy:  mais  cependant  si  ne  faut-il  pas  que  nous  soyons  si  charnels  ne  si  grossiers,  de  baisser  la  teste:  il  faut  plustost  que  par  foy  nous  le  regardions  en  sa  gloire  celeste,  et  que  nous  le  cerchions  la.  Car  nous  voyons  comme  les  Papistes  ont  este  abrutis:  il  leur  semble  qu'il  n'y  avoit  plus  de  Dieu,  sinon  qu'il  fust  enclos  en  une  boete:  ils  ont  adore  Iesus  Christ  d'une  facon  si  lourde,  qu'ils  ont  este  du  tout  brutaux,  et