21:169  169  VITA  CALVINI.  170  sapientissimum  civem,  ecclesia  deplorabat  fidi  sui  pastoris  decessum,  schola  ereptum  sibi  talem  doctorem  lugebat,  omnes  denique  ut  communi  secundum  Deum  parente  ac  consolatore  orbati  lamentabantur.  Optabant  multi  cives  eum  spectare  mortuum,  quod  ab  eo  ne  mortuo  quidem  avelli  possent.  Quidam  etiam  peregrini,  qui  videndi  et  audiendi  ipsius  causa  procul  venerant,  inter  quos  etiam  adfuit  clarissimus  vir,  reginae  Angliae  in  Gallia  legatus,  avide  admodum  intueri  saltem  defunctum  petebant.  Ac  initio  quidem  admittebantur.  Sed  quod  haec  nimia  esset  curiositas,  ut  calumniis  adversariorum  occurreretur,  placuit  amicis  ut  postridie  mane,  qui  dies  erat  dominicus,  linteo  de  more  involutum  corpus  ligneo  loculo  includeretur.  Pomeridiana  vero  secunda,  sequentibus  funus  patriciis,  una  cum  pastoribus  professoribusque  scholae  omnibus  totaque  paene  civitate  non  sine  uberibus  lacrymis  prosequente  elatus  est,  communique  coemiterio,  quod  Planum  Palatium  vocant,  nulla  penitus  extraordinaria  pompa  nulloque  addito  cippo  (sic  enim  mandarat)  conditus,  cui  propterea,  his  versiculis  parentavi.  Romae  ruentis  terror  ille  maximus,  Quem  mortuum  lugent  boni,  horrescunt  mali,  Ipsa  a  quo  potuit  virtutem  discere  virtus,  Cur  adeo  exiguo  ignotoque  in  cespite  clausus  Calvinus  lateat,  rogas?  Calvinum  adsidue  comitata  modestia  vivum,  Hoc  tumulo  manibus  condidit  ipsa  suis.  O  te  beatum  cespitem  tanto  hospite!  O  cui  invidere  cuncta  possint  marmora!  Vixit  annos  quinquaginta  quatuor,  menses  decem,  dies  decem  et  septem,  cuius  spatii  dimidium  in  sancto  evangelii  ministerio  consumpsit.  Statura  fuit  mediocri,  colore  subpallido  et  nigricante,  oculis  ad  mortem  usque  limpidis,  quique  ingenii  sagacitatem  [fol  IIII.  3]  testarentur:  cultu  corporis  neque  culto  neque  sordido,  sed  qui  singularem  modestiam  deceret:  victu  sic  temperato,  ut  a  sordibus  et  ab  omni  luxu  longissime  abesset:  cibi  parcissimi,  ut  qui  multos  annos  semel  quotidie  cibum  sumpserit,  ventriculi  imbecillitatem  causatus:  somni  paene  nullius,  memoriae  incredibilis,  ut  quos  semel  adspexisset  multis  post  annis  statim  agnosceret,  et  inter  dictandum  saepe  aliquot  horas  interturbatus  statim  ad  dictata  nullo  commonefaciente  rediret,  et  eorum,  quae  ipsum  nosse  muneris  sui  causa  interesset,  quantumvis  multiplicibus  et  infinitis  negotiis  oppressus,  nunquam  tamen  oblivisceretur.  Iudicii,  quibuscunque  de  rebus  consuleretur,  tam  puri  et  exacti,  ut  paene  vaticinari  saepe  sit  visus,  nec  aberrasse  meminerim,  qui  consilium  ipsius  esset  sequutus.  Facundiae  contemptor  et  verborum  parcus,  sed  minime  ineptus  scriptor,  et  quo  nullus  ad  hunc  diem  theologus  (absit  verbo  invidia)  purius,  gravius,