20:169  169  1563  OCTOB.  170  venit  tam  futilibus  mendaciis  credere?  Quod  sollicitus  es  ne  suis  blanditiis  nos  irretiant  Galli,  et  praetorem  nostrum  Bosetum  admones  ut  sibi  proponat  senatus  Metensium  exemplum,  facis  quidem  pro  fidelis  amici  sincerique  officio,  sed  olfacere  debuisti  unde  prodiisset  haec  fabula,  nisi  forte  ego  et  Heza  tibi  suspecti  simus.  Atqui  nobis  semper  liberum  erit  clare  testari,  neque  hoc  consilium  unquam  hic  fuisse  captum,  neque  nos  a  Gallis  tentatos.  Ultra  progredior:  non  modo  huius  rei  nulla  unquam  facta  fuit  mentio,  sed  ne  cogitatio  quidem  obrepsit.  Equidem  me  ante  biennium  cum  Admiraldo  egisse  non  dissimulo,  ut  si  fieri  posset  foedus  cum  Bernatibus  Rex  iniret,  hac  lege  ut  se  obstringeret  ad  tuendam  quam  hodie  possident  ditionem.  Verum  hoc  modo  cavere  volui  ne  ad  hanc  urbem  unquam  aspirarent,  et  optima  erat  ratio.  Non  est  igitur  cur  inani  metu  te  posthac  torqueas,  donec  ex  nobis  cognoveris,  vel  Gallos  aliquid  moliri,  vel  nostros  adeo  trepidare  ut  temere  ad  eorum  auxilium  confugiant.  Quin  etiam  experientia  brevi  vanitatem  illam  coarguet.  Interea  scias,  legatos  vestros  qua  maxima  fieri  potuit  contentione  incubuisse  ut  Bernates  libertatem  et  statum  urbis  nostrae  Cantonum  iudicio  permitterent.  Hoc  autem  quid  aliud  est  quam  nos  iugulandos  tradere?  Itaque  hoc  adepti  sunt  ut  Bernates  superiora  omnia  decreta  retractarent  Nunc  dubii  pendemus.  Unde  colligo  te  et  alios  pios  multis  de  rebus  celari.  Quin  etiam  ea  fuit  legatorum  vestrorum  humanitas  in  conventu  Badensi,  ut  fugitandae  invidiae  causa  nostros  iuberent  ab  omnibus  suis  colloquiis  abstinere.  Vale,  clarissime  vir  et  mihi  plurimum  observande  frater,  una  cum  uxore  et  familia  collegisque  omnibus.  Dominus  vos  omnes  salvos  tueatur,  virtute  sua  sustineat  laboresque  vestros  benedicat.  Genevae  9.  Octobris  1563.  Iohannes  Calvinus  tuus.  4035.  CALVINUS  MERCBRO.  Instat  quibuscunque  potest  precibus  et  argumentis  ut  ille  professionem  linguae  hebraicae  in  schola  Genevensi  capessat.*)  (Ex  apographis  Genevensibus  Cod.  107&,  fol.  280.  281.  283  cuius  tergo  Calvinus  ipse  inscripsit:  Mercero.  Cod.  Illa,  fol.  211.  Epp.  Bern.  vi.  p.  1130.  Simler.  Vol.  108.)  4035.1)  Of.  N.  3944.