10.1:169  CONSILIA.  tiones  quoties  miraculo  aliquid  in  novam  naturam  mutatum  est,  importune  huc  torquetur,  quia  non  potuit  essentia  Dei  mutari,  sicuti  creaturae:  et  detestabile  commentum  est  fingere  Dei  essentiam  in  patro  esse  spiritum,  in  filio  esse  corpus.  Argumentum  quod  sumitur  a  donorum  participatione  impudenter  transsilit.  Nam  inde  certe  ad  nos  pertinet  quidquid  Christo  contulit  pater:  quia  caput  est  ex  quo  totum  corpus  per  iuncturas  connexum  simul  coalescit.  Imo  non  aliter  conveniet  quod  dicitur,  spiritum  ei  datum  esse  absque  mensura,  ut  dc  plenitudine  eius  hauriamus  omnes  (Ioann.  1,  16;  3,  34).  Nisi  forte  Mennoni  absurdum  non  est,  Deum  in  sua  essentia  adventitio  dono  locupletari.  Hac  etiam  ratione  dicit  Christus  ipse  (Ioann.  17,  19):  Ego  propter  eos  sanctifico  me  ipsum.  Improbe  igitur  mentitur  nusquam  haec  in  scripturis  legi.  Quantum  ad  testimonium  Mosis  spectat,  si  probe  expenditur,  magis  premit  Mennonem  quam  ut  se  expedire  queat.  Neque  enim  de  uno  duntaxat  Christo  illic  sermo  habetur,  sed  de  toto  humano  genere.  Verum  quidem  est  partam  esse  a  Christo  victoriam,  sed  generaliter  pronunciat  Deus  posteros  mulieris  superiores  fore  Diabolo  (Gen.  3,  15).  Unde  sequitur,  Christum  ex  humano  genere  esse  progenitum.  Totum  vero  sensum  pervertunt  cabalisticae  Mennonis  allegoriae,  quod  mulier  dicatur  ecclesia,  quia  consilium  Dei  est  Evam,  quam  alloquitur,  bona  spe  erigere.  Hoc  etiam  loco  solutionum  varietas  tortuosum  et  lubricum  anguem  ostendit.  Interim  victorem  serpentis  ex  muliere,  quae  aanococ  est,  promitti  dicens,  nequaquam  se  extricat.  Nisi  enim  semen  esset  in  muliere,  falsa  esset  promissio.  Testimonia  ubi  Christus  semen  Abrahae  et  fructus  ventris  Davidis  vocatur,  nimis  improbo  corrumpit.  Nam  si  allegorice  positum  esset  nomen  seminis,  Paulus  certe  4  ad  Galatas  capite  (v.  4)  hoc  non  tacuisset.  Clare  autem  et  sine  figura  affirmat,  non  esse  plures  Abrahae  filios  redemptores,  sed  unum  Christum.  Fateor  ex  genealogia  non  aliter  colligi  Christum  esse  filium  Davidis,  nisi  quia  ex  virgine  genitus  est.  Sed  nimis  superbe,  ut  impium  suum  errorem  stabiliat  Menno,  evertit  naturae  elementa,  mulieres  contendcns  esse  avnOQovc.  Octavum  argumentum  de  genealogia  Christi  sophistice  eludit.  Etsi  enim  Matthaeus  non  recenset  Mariae  parentes,  sed  Iosephi:  quia  tamen  de  re  tunc  vulgo  comperta  verba  facit  satis  habet  ostendere  Iosephum  cx  Davidis  semine  ortum  esse:  quum  satis  constaret  Mariam  ex  eadem  esse  familia��  Magis  etiam  urget  Lucas,  salutem  a  Christo  allatam  toti  generi  humano  communem  esse  docens,  quia  Christus  autor  salutis  ex  Adam  communi  omnium  patre  sit  progenitus.  Apte  ex  Matthaei  verbis  colligitur,  quia  ex  Maria