9:168  mentis  excedunt  solere  Dei  potentiam  ab  Augustino  proferri,  contra  eum  retorqueo.  Nam  si  praesentiam,  qualem  fabricat  Westphalus,  sanctus  ille  vir  imaginatus  foret,  nusquam  praedicandae  potentiae  Dei  opportunior  fuisset  locus.  Proinde  ex  silentio  colligere  licet,  incognitum  ei  fuisse  quod  deinde  sub  papatu  commentum  diabolus  suggessit.  Ac  ne  in  re  supervacua  longior  sim,  si  omnipotentiam  Dei  huc  illuc  trahere  licet,  fanaticis  hominibus  qui  nullum  a  resurrectione  corpus  futurum  esse  dicunt,  speciosum  fore  dico  fucandi  sui  delirii  colorem.  Proferunt  dictum  Petri,  nos  esse  vocatos  ut  consortes  fiamus  divinae  naturae:  colligunt  talem  fore  restitutionem  humani  generis,  ut  corpoream  naturam  spiritualis  Dei  essentia  absorbeat.  Cur  non  Westphali  exemplo  bi  quib  reclamet,  in  angustias  redigi  clamabunt  Dei  potentiam?  Quia  ergo  [pag.  81]  intempestive  obiicitur,  Deum  posse,  nisi  quod  ipsum  velle  constat,  concidit  hac  in  parte  tota  Westphali  loquacitas,  donec  Christum  probet  carnis  naturam  carni  suae  abstulisse.  Ubi  autem  se  ad  testimonia  quibus  nostri  usi  sunt  diluenda  venire  simulat,  pudenda  estac  putida  in  puerili  garritu  eius  affectatio.  Quaeso  Ioachime,  quid  paginas  complures  scurrando  inficere  opus  fuit,  nisi  ut  simplicium  mentes  ab  ipsius  rei  intuitu  abductae  tecum  vagarentur?  Simplex  nostrorum  ratio  est,  Augustinum  plane  asserere,  quatenus  homo  est  Christus,  in  coelo  esse,  unde  ultimo  die  venturus  est:  secundum  naturam  humanam  non  esse  ubique  diffusum:  quia  carni  suae  immortalitatem  dedit,  naturam  non  abstulit:  cavendum  igitur  esse  ne  hominis  divinitatem  ita  astruamus,  ut  veritatem  corporis  auferamus:  si  tollamus  spatia  locorum  corporibus,  nusquam  fore:  ideoque  fore  nulla.  Christum  igitur  ubique  praesentem  esse  tanquam  [pag.  82]  Deum,  in  loco  aliquo  coeli  propter  veri  corporis  modum.  Ubi  ad  satietatem  usque  in  suis  parergis  lusit  Westphalus,  ne  nihil  afferre  putetur,  principio  lectores  admonet,  quum  ita  loquitur  Augustinus,  non  agere  ex  professo  de  coena  Domini.  Quid?  quum  tu  nuper  ad  ornandam  Dei  potentiam  citares  eius  praeconia,  non  memineras  tunc  quoque  non  fuisse  de  coena  habitum  ab  ipso  sermonem?  Ac  te  quidem  erroribus  tuis  temere  Augustinum  involvere  ostendi.  Hic  vero  longe  diversa  ratio  est.  Clare  pronunciat  Augustinus  non  ferre  corporis  Christi  naturam,  ut  ubique  sit  diffusum,  ideoque  coelo  contineri.  Si  ita  est,  quomodo  tibi  subscribet  dum  immensum  esse  iactas?  Perinde  facis  ac  si  obstrepant  papistae  nihil  ad  se  spectare  quaecunque  contra  fictitios  eorum  cultus  et  leges  tyrannicas  ex  scriptura  producimus,  quia  nullam  earum  expresso  nomine  spiritus  designat.  Ita  quum  citabitur  sententia  Christi:  [pag.  83]  Frustra  me  colunt  praeceptis  hominum  ete.  (Matth.  15,  9)  nullo  negotio  se